/rtv/media/agency_attachments/K5tL8SzMSJHtxzCWWrSl.png)
క్రియేటివ్ డైరెక్టర్ సుకుమార్ - ఐకాన్ స్టార్ అల్లు అర్జున్ కాంబోలో రాబోతున్న మోస్ట్ అవైటెడ్ ఫిల్మ్ 'పుష్ప 2'. ఈ మూవీలో నేషనల్ క్రష్ రష్మిక కథానాయికగా నటించగా.. సునీల్, ఫహద్, అనసూయ, జగదీశ్ ప్రతాప్ తదితరులు కీలక పాత్రలు పోషించారు. ఇప్పటికే పలు సార్లు వాయిదా వేసిన ఈ చిత్రాన్ని డిసెంబర్ 6న విడుదల చేయనున్నట్లు మేకర్స్ ప్రకటించారు.
ఇక సినిమా నుంచి రిలీజ్ చేసిన సాంగ్స్ కు అత్యద్భుత స్పందన లభించింది. కాగా మూవీ టీమ్ గత కొద్ది రోజులుగా ఈ సినిమాకు సంబంధించి అప్డేట్స్ ఇవ్వడం ఆపేసింది. అందుకు కారణం షూటింగ్ ఆగిపోవడమే. తాజాగా మళ్ళీ చిత్రీకరణ షురూ చేశారు. ఇదిలా ఉంటే 'పుష్ప 2'ట్రైలర్ కు సంబంధించి ఆసక్తికర అప్డేట్ బయటికొచ్చింది.
వచ్చే నెల్లో ట్రైలర్ రిలీజ్..
నవంబర్ రెండవ వారంలో 'పుష్ప 2' ట్రైలర్‌ను విడుదల చేయడానికి సుకుమార్, అల్లు అర్జున్ ప్లాన్ చేస్తున్నారని తెలుస్తోంది. అన్నీ అనుకున్నట్లు జరిగితే నవంబర్ 15న ట్రైలర్ రిలీజ్ అయ్యే ఛాన్స్ ఉన్నట్లు ఫిలిం సర్కిల్స్ లో టాక్ నడుస్తోంది. అంతేకాదు సినిమా విడుదలకు మూడు వారాల ముందు నుంచే ప్రమోషన్‌ కార్యక్రమాలు ప్రారంభించబోతున్నట్లు కూడా టాక్ వినిపిస్తుంది. ఈ న్యూస్ తో బన్నీ ఫ్యాన్స్ ఫుల్ ఖుషీ అవుతున్నారు.
ప్రజెంట్ ఈ సినిమాకు సంబంధించిన సెకండాఫ్ షూటింగ్ కంప్లీట్ చేస్తున్నట్లు సమాచారం. ఒక టీమ్ రామోజీ ఫిల్మ్ సిటీలో షూట్ చేస్తుండగా.. ఇంకో టీమ్ కాకినాడలో చేస్తున్నారు. మైత్రీ మూవీ మేకర్స్ సుమారు రూ.350 కోట్ల భారీ బడ్జెట్ తో ఈ సినిమాను నిర్మిస్తున్నారు. ఈసారి సినిమాను పాన్ వరల్డ్ స్థాయిలో అంటే చైనీస్, రష్యన్, జపనీస్.. ఇలా పలు విదేశీ భాషల్లోనూ రిలీజ్ ప్లాన్ చేస్తున్నట్లు టాక్ వినిపిస్తుంది.