Mythri Brings Horror: ప్రశాంత్ నీల్ కొత్త హారర్ సినిమా.. ఇది అస్సలు ఎక్స్‌పెక్ట్ చేయలేదుగా..!

Mythri Brings Horror: పెద్ద బడ్జెట్ యాక్షన్ సినిమాలతో పాటు, చిన్న బడ్జెట్ కానీ బలమైన కథలతో సినిమాలు చేస్తూ వస్తున్న మైత్రి మూవీ మేకర్స్ ఇప్పుడు మరో కొత్త ప్రయోగానికి సిద్ధమైంది. ఈసారి ఒక ఆసక్తికరమైన హారర్ సినిమాను నిర్మిస్తున్నారు. ఈ ప్రాజెక్ట్‌ను ప్రత్యేకంగా పెద్ద దర్శకుడు ప్రశాంత్ నీల్(Prashanth Neel) ఈ చిత్రాన్ని ప్రెజెంట్ చేస్తున్నారు.

A divine beginning to a scary journey.@MythriOfficial and #PrashanthNeel bring to you a horror film - for those who wish to be scared, and especially those who think they won't. ❤️‍🔥

Pooja ceremony held grandly, shoot begins soon 💥✨#MythriBringsHorror 😨

Produced by… pic.twitter.com/VAJ4gb2Rym

— Mythri Movie Makers (@MythriOfficial) November 17, 2025

Prashanth Neel New Horror Movie

ఈ హారర్ సినిమాలో సూర్య రాజ్ వీరబత్తిని, హను రెడ్డి, ప్రీతి పగడాల ప్రధాన పాత్రల్లో నటిస్తున్నారు. కీర్తన్ నడగౌడ ఈ సినిమాకు దర్శకత్వం వహిస్తున్నారు. చిత్ర యూనిట్ తాజాగా సినిమా పూజ కార్యక్రమాన్ని నిర్వహించింది. ఈ సందర్భంగా మైత్రి టీమ్ యువ నటులు, కొత్త దర్శకుడితో రూపొందుతున్న ఈ సినిమా బాక్సాఫీస్ వద్ద మంచి ఫలితాలు ఇస్తుందని నమ్మకం వ్యక్తం చేసింది.

సినిమా కథ సైన్స్, అంధవిశ్వాసాలు కలిసి వచ్చే ఒక వింత సంఘటన చుట్టూ కథ నడుస్తుందట. అర్థం చేసుకోవడానికి కష్టమైన ఈ సంఘటన కారణంగా జరిగే అనుభవాలు ప్రేక్షకులకు కొత్తగా అనిపిస్తాయని చిత్ర బృందం చెబుతోంది. హారర్ జానర్‌ను కొత్తగా చూపించాలన్న ఆలోచన ఈ ప్రాజెక్ట్‌లో కనిపించనుంది.

ఇండస్ట్రీలోని పలువురు పెద్దలు కూడా మైత్రి మూవీ మేకర్స్, ప్రశాంత్ నీల్ కలిసి యువ ప్రతిభలను ప్రోత్సహించడం పట్ల ప్రశంసలు తెలిపారు. పెద్ద బ్యానర్, పెద్ద దర్శకుడు కలిసి ఒక చిన్న బలమైన కంటెంట్‌  సినిమాకు చేతులు కలపడం ప్రశంసనీయమని వారు పేర్కొన్నారు.

ఈ సినిమా షూటింగ్ త్వరలోనే ప్రారంభం కానుంది. ప్రస్తుతం ప్రీ-ప్రొడక్షన్ పనులు జరుగుతున్నాయి. కాస్టింగ్ నుంచి టెక్నికల్ టీమ్ వరకు యువ ప్రతిభలను ఎక్కువగా తీసుకోవడం వల్ల ఈ ప్రాజెక్ట్‌పై ఇంకా ఆసక్తి పెరిగింది. హారర్ కథల్ని ఇష్టపడే ప్రేక్షకులు ఈ సినిమాపై మంచి ఆసక్తితో ఉన్నారు.

త్వరలోనే సినిమా టైటిల్, ఫస్ట్ లుక్‌ను విడుదల చేస్తారని సమాచారం. మైత్రి మూవీ మేకర్స్ గతంలో చేసిన ప్రయోగాలు ఎలా విజయవంతమైనాయో చూసిన ప్రేక్షకులు, ఈ కొత్త హారర్ సినిమా కూడా మంచి వినోదం ఇస్తుందని ఆశిస్తున్నారు.