Ustaad Bhagat Singh: ఉస్తాద్ భగత్ సింగ్ బిగ్ అప్‌డేట్.. మాస్ సాంగ్ లోడింగ్..!

Ustaad Bhagat Singh: 'OG' సినిమాతో ప్రేక్షకులను ఆకట్టుకున్న పవన్ కళ్యాణ్(Pawan Kalyan), ఇప్పుడు తన తదుపరి యాక్షన్ డ్రామా 'ఉస్తాద్ భగత్ సింగ్'తో మరోసారి అభిమానుల ముందుకు రావడానికి సిద్ధమవుతున్నారు. ఈ సినిమాను 'గబ్బర్ సింగ్' దర్శకుడు హరీష్ శంకర్ రూపొందిస్తున్నారు. ఈ హిట్ కాంబినేషన్ చాలా ఏళ్ల తర్వాత మళ్లీ కలిసి పనిచేయడం వల్ల అభిమానుల్లో ఈ సినిమాపై మంచి హైప్ ఉంది.

న్యూ ఇయర్ గిఫ్ట్.. మాస్ సాంగ్ లోడింగ్..!

ఇటీవల ఈ సినిమా నుంచి కొత్త పాట విడుదల చేయాలని టీమ్ ప్లాన్ చేస్తున్న సంగతి తెలిసింది. న్యూ ఇయర్ సందర్భంగా ఒక ఎనర్జిటిక్  డాన్స్ నంబర్‌ను విడుదల చేయాలని ముందే వార్తలు వచ్చాయి. ఈ నేపథ్యంలో, '12A రైల్వే కాలనీ' మూవీ ప్రీ-రిలీజ్ ఈవెంట్‌లో పాల్గొన్న హరీష్ శంకర్, డిసెంబరులో ఉస్తాద్ భగత్ సింగ్ నుంచి ఓ పాట తప్పకుండా వస్తుందని అధికారికంగా తెలిపారు. ఈ పాట న్యూ ఇయర్ సమయానికి అభిమానుల్లో పండుగ వాతావరణం తీసుకువస్తుందని ఆయన తెలిపారు.

Ustaad Bhagat Singh pic.twitter.com/9UzuYuSQyP

— Telugu Chitraalu ² (@TC_Backup) November 17, 2025

పవన్ కళ్యాణ్ ఇప్పటికే తన భాగం షూటింగ్ పూర్తి చేశారు. మిగిలిన షూటింగ్ నవంబర్ చివరికి పూర్తవుతుందని చిత్ర బృందం చెబుతోంది. ఎన్నికల పనులు, ఇతర కమిట్‌మెంట్స్‌ వల్ల పవన్ కళ్యాణ్ బిజీగా ఉన్నప్పటికీ, ఈ చిత్రం కోసం ప్రత్యేక సమయం కేటాయించడం విశేషం.

మైత్రీ మూవీ మేకర్స్ నిర్మిస్తోన్న ఈ సినిమాలో శ్రీలీల, రాశీ ఖన్నా ప్రధాన పాత్రల్లో నటిస్తున్నారు. దేవి శ్రీ ప్రసాద్ సంగీతం అందిస్తున్నారు. ఇప్పటికే విడుదలైన పోస్టర్లు, ఫస్ట్ లుక్‌లు పవర్ స్టార్ మాస్ లుక్‌ను చూపిస్తూ పెద్ద హైప్ క్రియేట్ చేశాయి.

ఈ సినిమాపై భారీ అంచనాలు ఉన్నాయి. పవన్ కళ్యాణ్ ఎనర్జీ, హరీష్ శంకర్ మాస్ మేకింగ్ కలిసి తప్పకుండా మంచి ఎంటర్‌టైనర్ వస్తుందనే నమ్మకం ఫ్యాన్స్‌లో ఉంది. డిసెంబర్‌లో రాబోయే పాటతో సినిమా ప్రమోషన్ల వేగం అందుకునే అవకాశముంది.

ఉస్తాద్ భగత్ సింగ్ ఎప్పుడు విడుదల అవుతుందో త్వరలోనే అధికారికంగా ప్రకటించనున్నట్లు సమాచారం. అప్పటి వరకు అభిమానులు ఈ కొత్త పాట కోసం ఆసక్తిగా ఎదురుచూస్తున్నారు.