మారుతి బర్త్ డే స్పెషల్.. 'రాజాసాబ్' నుంచి మేకింగ్ వీడియో రిలీజ్

పాన్ ఇండియా హీరో ప్రభాస్ నటిస్తున్న లేటెస్ట్ మూవీస్ లో 'ది రాజా సాబ్' ఒకటి. మారుతి డైరెక్ట్ చేస్తున్న ఈ సినిమాలో డార్లింగ్ సరసన మలయాళ బ్యూటీ మాళవిక మోహనన్‌, ఇస్మార్ట్ భామ నిధి అగర్వాల్, రిద్దీ కుమార్ ఫీ మేల్ లీడ్ రోల్స్‌లో నటిస్తున్నారు. రీసెంట్ గానే ఈ మూవీ నుంచి గ్లింప్స్ రిలీజ్ చేశారు. ఇందులో డార్లింగ్ ప్రభాస్ వింటేజ్ లుక్ లో రొమాంటిక్ బాయ్ గా కనిపించి ఆకట్టుకున్నారు.

ప్రస్తుతం ఈ సినిమా చిత్రీకరణ చివరి దశలో ఉంది. నేడు మారుతి బర్త్ డే కావడంతో మూవీ టీమ్ ఆయనొక చిన్న సర్ప్రైజ్ ప్లాన్ చేసింది. డైరెక్టర్ కు బర్త్ డే విషెస్ చెబుతూ 'రాజా సాబ్' నుంచి మేకింగ్ వీడియో రిలీజ్ చేసింది. కింగ్‌ సైజ్‌ ఎంటర్‌టైన్‌మెంట్‌ అంటూ విడుదల చేసిన మేకింగ్‌ విజువల్స్‌ డార్లింగ్ ఫ్యాన్స్ ను ఎంతగానో ఆకట్టుకుంటున్నాయి. అంతేకాదు ఈ వీడియోలో ప్ర‌భాస్ న‌వ్వుతూ క‌నిపించాడు.

Also Read : 'పుష్ప 2' నుంచి క్రేజీ అప్డేట్.. ఆనందంలో ఫ్యాన్స్

బ్లాక్ అవుట్ ఫిట్ తో సూపర్ స్టైలిష్ గా డార్లింగ్ లుక్ అదిరిపోయింది. ప్రస్తుతం ఈ వీడియో నెట్టింటి వైరల్ అవుతోంది. కాగా ఇందులో ప్రభాస్ సరసన ఇద్దరు హీరోయిన్లు నటిస్తున్నారు. అందులో మాళవికా మోహన్ ఒకరు కాగా.. మరొకరు నిధి అగర్వాల్. పీపుల్ మీడియా ఫ్యాక్టరీ ఈ చిత్రాన్ని నిర్మిస్తోంది. నవంబర్‌లోగా  ప్రభాస్ తన పార్ట్‌ షూటింగ్ పూర్తి చేయబోతున్నాడని సమాచారం. 

టీజర్ ఎప్పుడంటే?

ప్రభాస్ బర్త్ డే అయిన అక్టోబర్ 23 న 'రాజా సాబ్' టీజర్ రిలీజ్ చేసేందుకు మేకర్స్ ప్లాన్ చేస్తున్నారట. ఫ్యాన్స్ కోసం టీజర్ ను బర్త్ డే గిఫ్ట్ గా ఇవ్వనుందట 'రాజా సాబ్' టీమ్. నవంబర్ కల్లా షూటింగ్ పార్ట్ అంతా కంప్లీట్ చేసి.. డిసెంబర్ నుంచి ప్రమోషన్స్ స్టార్ట్ చేయాలను మేకర్స్ ప్లాన్ చేస్తున్నట్లు సమాచారం.  పీపుల్ మీడియా ఫ్యాక్టరీ పాన్ ఇండియా స్థాయిలో నిర్మిస్తున్న ఈ చిత్రం వచ్చే ఏడాదిఏప్రిల్‌ 10న ప్రేక్షకుల ముందుకురానుంది.