Pawan Kalyan: హైదరాబాద్‌లో పవన్ కల్యాణ్ ‘ఉస్తాద్’ స్టెప్పులు

పవర్ స్టార్ పవన్ కల్యాణ్ నటించిన ‘హరిహర వీరమల్లు’ ఇటీవల రిలీజై ఘోరమైన టాక్ అందుకుంది. మరీ ముఖ్యంగా ఇందులో వీఎఫ్‌ఎక్స్‌కు దారుణమైన టాక్ వచ్చింది. ఫస్ట్ హాఫ్ బాగుందనుకునే లోపే సెకండాఫ్‌లో వీఎఫ్‌ఎక్స్ బోల్తా కొట్టడంతో సినిమాను చూసేందుకు ప్రేక్షకులు నిరాకరించారు. మొదటి నుంచి ఎన్నో అంచనాలు అందుకున్న ఈ చిత్రం సినీ ప్రేక్షకులకు పెద్ద షాక్ ఇచ్చిందనే చెప్పాలి. మొత్తంగా కలెక్షన్లలో కూడా గట్టి దెబ్బ పడినట్లు తెలుస్తోంది. 

ఇలా ‘హరి హర వీరమల్లు’తో ఫ్యాన్స్ నిరాశ చెందారు. ఇప్పుడు వారికోసం పవన్ లైనప్‌లో ఉన్న మరికొన్ని చిత్రాల అప్డేట్‌లు వరుసగా వచ్చేస్తున్నాయి. ఎన్నో రోజులు నిరీక్షించిన తరువాత పవన్ కళ్యాణ్ అభిమానులకు అదిరిపోయే శుభవార్త అందింది. పవన్ కళ్యాణ్, హరీష్ శంకర్ కలయికలో రాబోతున్న ‘ఉస్తాద్ భగత్ సింగ్’ సినిమా ఆఖరి షెడ్యూల్ షూటింగ్ హైదరాబాద్‌లో ఆదివారం మొదలైంది. ఈ షెడ్యూల్‌లో పవన్ కళ్యాణ్, నటి రాశి ఖన్నాలపై ఒక పాటను చిత్రీకరిస్తున్నారని సమాచారం. ఈ పాట సినిమాకు ప్రత్యేక ఆకర్షణగా నిలుస్తుందని యూనిట్ వర్గాలు చెబుతున్నాయి.

Pawan Kalyan ustad bhagat singh

ఈ పాట చిత్రీకరణ కోసం హైదరాబాద్‌లోని ఒక భారీ సెట్‌ను నిర్మించినట్లు తెలుస్తోంది. పవన్ కళ్యాణ్ స్టైల్, హరీష్ శంకర్ డైరెక్షన్ ఈ పాటలో కొత్తదనాన్ని తీసుకొస్తాయని భావిస్తున్నారు. దేవిశ్రీ ప్రసాద్‌ ఈ పాట పాడగా.. దినేశ్‌ మాస్టర్‌ కొరియోగ్రఫీ అందిస్తున్నట్లు తెలుస్తోంది. గతంలో పవన్, హరీష్ కలయికలో వచ్చిన ‘గబ్బర్ సింగ్’ సినిమాలోని పాటలు ఎంతటి విజయం సాధించాయో తెలిసిందే. అదే తరహాలో ఈ పాట కూడా ప్రేక్షకులను అలరిస్తుందని యూనిట్ బృందం విశ్వాసం వ్యక్తం చేస్తోంది. 

ఈరోజు నుంచి హైదరాబాద్ లో #UstaadBhagatSingh సాంగ్ షూట్ .
ఈ షూటింగ్ లో హీరో పవన్ కళ్యాణ్ తో పాటు హీరోయిన్ రాశి ఖన్నా కూడా పాల్గుంటుంది. #UBS#harishshankar#pawankalyanpic.twitter.com/RF4YXAA6HU

— Narendra News (@Narendra4News) September 7, 2025

ఈ చిత్రంలో శ్రీలీల కూడా ప్రధాన హీరోయిన్‌గా నటిస్తున్నారు. ఇప్పటికే ఆమెపై కొన్ని కీలక సన్నివేశాలు చిత్రీకరించారు. ఈ సినిమా పవన్ కళ్యాణ్ గత సినిమాలకన్నా భిన్నంగా, ఒక కొత్త కోణంలో ఉంటుందని హరీష్ శంకర్ పలు సందర్భాలలో చెప్పారు. సినిమాలో పవన్ కళ్యాణ్ పాత్ర ఒక పోలీస్ ఆఫీసర్ అని, ఆయనను ఒక సరికొత్త గెటప్‌లో ప్రేక్షకులు చూడవచ్చని తెలుస్తోంది. ఈ సినిమా కథాంశం పవన్ అభిమానులకు ఒక గొప్ప అనుభూతిని ఇస్తుందని చిత్ర బృందం నమ్ముతోంది.

ఈ సినిమా నిర్మాణం చాలా రోజుల నుంచి జరుగుతోంది. మధ్యలో పవన్ కళ్యాణ్ రాజకీయ కార్యక్రమాల వల్ల షూటింగ్‌కు బ్రేక్ వచ్చింది. ఇప్పుడు ఆఖరి షెడ్యూల్ మొదలుకావడంతో, అభిమానుల్లో ఉత్సాహం పెరిగింది. ఈ సినిమా చిత్రీకరణ పూర్తయితే, త్వరలోనే సినిమా విడుదల తేదీని కూడా ప్రకటిస్తారని అభిమానులు ఆశిస్తున్నారు. 'ఉస్తాద్ భగత్ సింగ్' సినిమాపై ఉన్న అంచనాలు భారీగా ఉన్నాయి. ఇప్పటికే ఈ మూవీ నుంచి విడుదలైన పోస్టర్లకు అద్భుతమైన రెస్పాన్స్ వచ్చిన విషయం తెలిసిందే. అందులోనూ చిన్న చిన్న గ్లింప్స్‌కు ఫ్యాన్స్‌ నుంచి మంచి స్పందన వచ్చింది. మరి ఈ సినిమా రిలీజ్ అయ్యాక టాక్ ఎలా ఉంటుందో చూడాలి.