OG Trailer Update: 'OG' కౌంట్ డౌన్ స్టార్ట్.. కొంచెం ఆగండి ట్రైలర్ మోత మోగిపోద్ది..

OG Trailer Update: పవర్ స్టార్ పవన్ కళ్యాణ్(Pawan Kalyan) హీరోగా నటిస్తున్న మోస్ట్ అవైటెడ్ మూవీ "OG (They Call Him OG)" ట్రైలర్ విడుదలకు రోజులు దగ్గర పడుతుండటంతో, అభిమానుల ఆతృత ఎదురుచూస్తున్నారు. ఇప్పటికే టీజర్, పాటలతో సినిమా మీద మంచి బజ్ క్రియేట్ అయింది. ఇక ట్రైలర్ విడుదలైతే, ఈ హైప్ ఇంకాస్త పెరిగే అవకాశం ఉంది.

సెప్టెంబర్ 21, 2025 ఉదయం 10:08 గంటలకు ట్రైలర్‌ను గ్రాండ్‌గా రిలీజ్ చేయనున్నట్టు మేకర్స్ అధికారికంగా ప్రకటించారు. ఈ విషయం తెలిసినప్పటి నుంచి సోషల్ మీడియాలో పవన్ ఫ్యాన్స్ స్పెషల్ ట్రెండ్స్, ఫ్యాన్ మేడ్ పోస్టర్లతో హంగామా చేస్తున్నారు. ఈ సినిమాపై ఇప్పటికే ఉన్న అంచనాలను ట్రైలర్ నిజం చేయగలదా అనే చర్చ ఫ్యాన్స్ మధ్య నడుస్తోంది.

OGపై భారీ హైప్

దర్శకుడు సుజీత్ రూపొందించిన ఈ యాక్షన్ గ్యాంగ్‌స్టర్ డ్రామా, పవన్ కెరీర్‌లో ఒక ప్రత్యేకమైన స్థానం సంపాదించబోతుందనే నమ్మకం ఉంది. ఇప్పటికే రిలీజైన టీజర్లు, సాంగ్స్ తో సినిమాపై పాజిటివ్ బజ్ ఏర్పడింది. ఇప్పుడు ట్రైలర్ ద్వారా పూర్తిగా సినిమా రేంజ్ పెరగనుంది.

నార్త్ అమెరికాలో రికార్డు స్థాయి బుకింగ్స్

ట్రైలర్ ఇంకా రాకముందే ఈ సినిమా ప్రీ-రిలీజ్ బిజినెస్ సత్తా చూపిస్తోంది. నార్త్ అమెరికాలో ఇప్పటికే $1.75 మిలియన్ డాలర్ల ప్రీ-సేల్స్ జరిగాయి. ఇందులో Cinemark అనే థియేటర్ చైన్‌లో ఒక్కదానిలోనే $1 మిలియన్ విలువైన టికెట్లు అమ్ముడవడం పవన్ కల్యాణ్‌కు ఉన్న క్రేజ్‌కు నిదర్శనంగా మారింది.

ఈ సినిమాకు తమన్ సంగీతం అందించగా, కథానాయికగా ప్రియాంకా అరుల్ మోహన్ నటిస్తోంది. పవన్ కళ్యాణ్ లుక్, స్టైల్, డైలాగ్ డెలివరీ పై ఫ్యాన్స్ ఫుల్ హ్యాపీగా ఉన్నారు. మాస్, యాక్షన్ ఎలిమెంట్స్‌తో పాటు గ్యాంగ్‌స్టర్ టచ్ OGకి స్పెషల్ హైలైట్‌గా మారనున్నాయి.

సెప్టెంబర్ 25న వరల్డ్ వైడ్ గ్రాండ్ రిలీజ్

ఈ చిత్రం DVV ఎంటర్‌టైన్‌మెంట్స్ నిర్మాణంలో అత్యంత ప్రతిష్టాత్మకంగా తెరకెక్కింది. ప్రపంచవ్యాప్తంగా సెప్టెంబర్ 25, 2025న గ్రాండ్‌గా థియేటర్లలో విడుదల కానుంది. ప్రీ-రిలీజ్ బజ్, బుకింగ్స్ చూస్తే, ఈ సినిమా భారీ ఓపెనింగ్స్ దిశగా వెళ్తోంది అనడంలో ఎలాంటి సందేహం లేదు. OG ఇప్పుడు టాలీవుడ్‌లో ట్రెండ్ సెట్టర్‌గా మారేందుకు రెడీ అయింది.