'దేవర' ఊచకోత.. మూడో రోజు కలెక్షన్లు ఎంతంటే..!

Devara Day 3 Collections : కొరటాల శివ దర్శకత్వంలో టాలీవుడ్ స్టార్ జూనియర్ ఎన్టీఆర్, జాన్వీ కపూర్, సైఫ్ అలీఖాన్ ప్రధాన పాత్రలో భారీ అంచనాలతో విడుదలైన చిత్రం  'దేవర'.  అద్భుతమైన ఓపెనింగ్స్ మొదలైన ఈ మూవీ.. తెలుగు మార్కెట్‌లో ఈ ఏడాది అత్యధిక వసూళ్లు సాధించిన ఓపెనర్ గా నిలిచింది. రెండు రోజుల్లోనే ప్రపంచవ్యాప్తంగా రూ. 243 కోట్లు వసూలు చేసినట్లు మేకర్స్ తెలిపారు. దేశవ్యాప్తంగా ఈ సినిమా కలెక్షన్స్ చూస్తే.. మొదటి రోజు ఈ సినిమా అన్ని భాషల్లో కలిపి దేశవ్యాప్తంగా రూ.  82.5 కోట్లు చేయగా.. రెండవ రోజు  రూ. 38.2 కోట్లు చేసినట్లు సక్‌నిల్క్ తెలిపింది.  

ఇక దేవర మూడవ కలెక్షన్స్ విషయానికి వస్తే.. 

సక్‌నిల్క్ నివేదిక ప్రకారం.. రెండవ రోజుతో పోలిస్తే  మూడవ రోజు  'దేవర' కలెక్షన్స్ కాస్త పెరిగాయి. మూడవ రోజు  దేశవ్యాప్తంగా  రూ.40.3 కోట్లు వసూలు చేసింది. తెలుగు మార్కెట్ నుంచి రూ. 27.65 కోట్లు, హిందీలో రూ. 11 కోట్లు వచ్చాయి. కన్నడ రూ. 0.35 కోట్లు, తమిళం, మలయాళం  వెర్షన్స్ లో రూ.1.05 కోట్లు, రూ.0.25 కోట్లు రాబట్టింది. మొదటి మూడు రోజుల్లో  'దేవర' దేశవ్యాప్తంగా రూ.161 కోట్లకు చేరుకున్నట్లు తెలుస్తోంది.

ఈ సినిమాలో బాలీవుడ్ నటుడు సైఫ్ అలీఖాన్ విలన్ గా పవర్ ఫుల్ రోల్ లో పోషించారు. జాన్వీ కపూర్ ఫిమేల్ లీడ్ గా నటించింది. శ్రీకాంత్, ప్రకాష్ రాజ్, శ్రుతి మరాఠే, షైన్ టామ్ చాకో, నారాయణ్, కలైయరసన్, మురళీ శర్మ, అజయ్, అభిమన్యు సింగ్ తదితరులు కీలక పాత్రలు పోషించారు. అనిరుధ్ రవిచంద్రన్ మ్యూజిక్ ఈ సినిమాకు మరింత హైలైట్ గా నిలిచింది. 

Also Read:  కంగనా కొత్త కారు ధర తెలిస్తే మైండ్ బ్లాకే.. ఏకంగా బంగ్లాను అమ్మేసి కొనుగోలు చేసిందిగా..!