Miss World 2025: హైదరాబాద్ లో 20 రోజుల పాటు కళ్ళు చెదిరేలా మిస్ వరల్డ్ పోటీలు.. షెడ్యూల్ ఇదే

Miss World 2025: 72nd మిస్ వరల్డ్ 2025 పోటీలకు తెలంగాణ ప్రభుత్వం ఆతిథ్యం వహిస్తోంది. హైదరాబాద్ వేదికగా జరగబోయే ఈ అంతర్జాతీయ కార్యక్రమానికి ప్రభుత్వం భారీ ఏర్పాట్లు చేస్తోంది. మే 10 నుంచి 31 వరకు జరిగే ఈ పోటీల్లో 120కి పైగా పోటీదారులు పాల్గొననున్నారు. ఈ కార్యక్రమం ద్వారా తెలంగాణ సాంస్కృతిక వారసత్వం, పర్యాటక సౌకర్యాలు,  ఆధునిక మౌలిక సదుపాయాలు ప్రపంచానికి పరిచయం చేయాలని ప్రభుత్వం నిర్ణయించింది.ఈ  ఈవెంట్ కి సంబంధించిన పూర్తి షెడ్యూల్ గురించి ఇక్కడ తెలుసుకోండి.. 

పూర్తి షెడ్యూల్

• మే6 -7: 120 దేశాలకు పైగా పోటీదారులు హైదరాబాద్ చేరుకుంటారు. 
• మే 10:  గచ్చిబౌలి ఇండోర్ స్టేడియంలో ఘనంగా  మిస్ వరల్డ్ ప్రారంభోత్సవ వేడుక  జరగనుంది.  తెలంగాణ సాంప్రదాయ జానపద గిరిజన నృత్య ప్రదర్శనలతో ప్రపంచ అందగత్తెలు స్వాగతం పలకనున్నారు. 
• మే 12 :  మిస్ వరల్డ్ పోటీదారులు  నాగార్జున సాగర్‌, బుద్ధవనాన్ని సందర్శించనున్నారు. 
• మే 13 -  చార్మినార్, లాడ్ బజార్‌లో కల్చరల్ వాక్. తర్వాత చౌమహల్లా ప్యాలెస్‌లో డిన్నర్.
• మే 14 -  వరంగల్‌లోని కాళోజీ కళా క్షేత్రంలోని  విద్యార్థులు,  సంఘాలతో మిస్ వరల్డ్ పోటీదారులు సమయం గడపనున్నారు.  ఆ  తరువాత రామప్ప ఆలయం పర్యటన చేస్తారు.
• మే 15 -   యాదగిరిగుట్ట ఆలయ పర్యటన, ఆ  తర్వాత ప్రపంచ దేశాలకు చేనేత పరిశ్రమ అనుభవాన్ని అందించడానికి పోచంపల్లి సందర్శనను షెడ్యూల్ చేశారు.
• మే 16 - AIG, యశోదా, అపోలో హాస్పిటళ్లకు కంటెస్టెంట్ల  మెడికల్ టూర్.
• మే 17 - గచ్చిబౌలి ఇండోర్ స్టేడియంలో మిస్ వరల్డ్ స్పోర్ట్స్ ఫైనల్స్ జరుగనుంది.  ఆ  తర్వాత తెలంగాణ ఫుడ్ ఫెస్టివల్ లో పాల్గొననున్నారు. దీంతో పాటు  ప్రపంచ సుందరులు  ఎక్స్‌పీరియం ఎకో టూరిజం పార్క్ సందర్శించనున్నారు.
• మే 18&19: తెలంగాణ పోలీస్ ఇంటిగ్రేటెడ్ కమాండ్ & కంట్రోల్ సెంటర్ టూర్. ఆ తర్వాత ట్యాంక్ బండ్, అంబేద్కర్ విగ్రహం, సచివాలయం సందర్శన.
• మే 20-21: గ్రూప్ 1 కంటెస్టెంట్లు ఉప్పల్లో జరగబోయే ఏపీఎల్ చూడనుండగా.. గ్రూప్ 2 కంటెస్టెంట్లు శిల్పారామంలో ఆర్ట్ వర్క్‌షాప్ సందర్శించనున్నారు. 
• మే 22-24:  కంటెస్టెంట్ల  ప్రతిభా ప్రదర్శన, హెడ్ టూ హెడ్  చాలెంజ్, ఫ్యాషన్ ఫినాలే
• మే 26: బ్రిటిష్ రెసిడెన్సీ & తాజ్ ఫలక్‌నుమాలో గాలా డిన్నర్. సాంస్కృతిక ప్రదర్శనలు ఉంటాయి.
• మే 31:  హైటెక్స్ లో  సెంటర్ లో గ్రాండ్ ఫినాలే ఈవెంట్ అండ్   మిస్ వరల్డ్ కిరీటం అందజేత
• జూన్ 2:  తెలంగాణ ఏర్పాటు దినోత్సవ సందర్భంగా మిస్ వరల్డ్ విజేతలు  గవర్నర్, సీఎంను రాజ్ భావన్ లో కలుస్తారు. 

Miss World 2025 hyderabad | latest-news | telugu-news