'కాంతార' ప్రీక్వెల్ లో మలయాళ స్టార్

కన్నడ హీరో రిషబ్ శెట్టి హీరోగా నటించిన 'కాంతార' దేశ వ్యాప్తంగా ఎలాంటి సెన్సేషన్ ను క్రియేట్ చేసిందో తెలిసిందే. ఎలాంటి అంచనాలు లేకుండా ప్రేక్షకుల ముందుకొచ్చిన ఈ సినిమా అన్ని భాషల్లో అద్భుత విజయన్ని సొంతం చేసుకుంది. రీసెంట్ గా ఈ మూవీకి 2 నేషనల్ అవార్డ్స్ కూడా వచ్చాయి. అందులో బెస్ట్ యాక్టర్ గా రక్షిత్ శెట్టి ఫస్ట్ టైం నేషనల్ అవార్డు అందుకున్నాడు.

తండ్రి పాత్రలో మలయాళ స్టార్..

కాగా ఈ సినిమాకు ప్రీక్వెల్ గా 'కాంతార-1' తెరకెక్కుతోంది. ప్రస్తుతం శరవేగంగా షూటింగ్ జరుపుకుంటున్న ఈ సినిమాకు సంబంధించి ఓ అదిరిపోయే అప్డేట్ బయటికొచ్చింది. తాజా సమాచారం ప్రకారం ఈ సినిమాలో మలయాళ అగ్ర నటుడు మోహన్‌లాల్‌ కీలక పాత్రలో నటించనున్నారని తెలిసింది. ఇందులో ఆయన హీరో రిషబ్‌శెట్టి తండ్రి పాత్రలో కనిపిస్తారని అంటున్నారు. 

గత ఏప్రిల్‌లో మోహన్‌లాల్‌ను ఆయన స్వగృహంలో కలుసుకున్నారు రిషబ్‌శెట్టి. ఆ సమయంలోనే వారిమధ్య ప్రీక్వెల్‌కు సంబంధించిన చర్చలు జరిగాయని చెబుతున్నారు. ‘కాంతార-1’లో మోహన్‌లాల్‌ నటించేందుకు గ్రీన్ సిగ్నల్ ఇచ్చినట్లు టాక్ వినిపిస్తోంది. త్వరలోనే దీనిపై అఫీషియల్ అనౌన్స్ మెంట్ రానుందని అంటున్నారు. 

ఇదే కనుక నిజమైతే 'కాంతార'కు మోహన్ లాల్ రోల్ స్పెషల్ అట్రాక్షన్ గా నిలవడం గ్యారెంటీ అని చెప్పొచ్చు. KGF, సలార్ లాంటి పాన్ ఇండియా బ్లాక్ బస్టర్స్ ను నిర్మించిన హోంబలే ఫిల్మ్స్ ఈ చిత్రాన్ని నిర్మిస్తున్నారు. వచ్చే ఏడాది వేసవి కానుకగా సినిమాను ప్రేక్షకుల ముందుకు తీసుకొచ్చేందుకు మేకర్స్ సన్నాహాలు చేస్తున్నారు.

Also Read :  దళపతి విజయ్ కి విలన్ గా బాలీవుడ్ స్టార్