ప్రభాస్ ఫ్యాన్స్‌కు గుడ్ న్యూస్.. ‘స్పిరిట్’ మూవీలో మెగాస్టార్..!

రెబల్ స్టార్ ప్రభాస్ ఫుల్ స్వింగ్‌లో ఉన్నాడు. సలార్, కల్కి 2898 ఏడీ వంటి బ్లాక్ బస్టర్ హిట్‌ల తర్వాత ఇప్పుడు మరికొన్ని సినిమాలను చకచకా కంప్లీట్ చేస్తున్నాడు. వీటి తర్వాత మాస్ డైరెక్టర్ సందీప్ రెడ్డి వంగా దర్శకత్వంలో ‘స్పిరిట్’ మూవీ చేయనున్నాడు. ఈ మూవీ కోసం సినీ ప్రేక్షకులు, అభిమానులు ఎంతో ఆసక్తిగా ఎదురుచూస్తున్నారు. 

ఇది కూడా చదవండి: ‘జాక్ కొంచెం క్రాక్’.. నేపాల్ షెడ్యూల్‌ కంప్లీట్

అత్యంత భారీ బడ్జెట్‌తో ఈ మూవీ రూపొందనున్నట్లు ఇప్పటికే సినీ వర్గాలు తెలిపాయి. ప్రస్తుతం స్క్రిప్ట్ పనుల్లో ఉన్న ఈ సినిమా నుంచి అదిరిపోయే గాసిప్ బయటకొచ్చి చక్కర్లు కొడుతోంది. ఈ సినిమాలో స్టార్ జంట సైఫ్ అలీఖాన్ - కరీనా కపూర్ నటించబోతున్నట్లు ఇప్పటికే కొన్ని రూమర్స్ సోషల్ మీడియాలో చక్కర్లు కొట్టాయి. 

స్పిరిట్‌లో మెగాస్టార్

ఇప్పుడు ఈ మూవీలో మరో స్టార్ నటించబోతున్నట్లు వార్తలు వైరల్ అవుతున్నాయి. ఇందులో మలయాళ మెగాస్టార్ మమ్ముట్టి కీలక పాత్రలో నటిస్తున్నాడని గట్టి టాక్ నడుస్తోంది. దీంతో అటు ప్రభాస్ ఫ్యాన్స్, ఇటు మెగాస్టార్ ఫ్యాన్స్ ఫుల్ ఖుష్ అవుతున్నారు. అయితే దీనికి సంబంధించి మేకర్స్ నుంచి ఎలాంటి అఫీషియల్ అప్డేట్‌ ఇంకా రాలేదు. 

ఇక అన్ని అనుకున్నట్లుగా జరిగితే ఈ చిత్రం షూటింగ్ వచ్చే ఏడాదిలో ప్రారంభించనున్నట్లు తెలుస్తోంది. దర్శకుడు సందీప్ రెడ్డి వంగా ఇప్పటికే ఈ మూవీకి సంబంధించి ఫుల్ హైప్ పెంచేశాడు. ఈ సినిమాలో ప్రభాస్‌ను ఓ రేంజ్‌లో చూపించబోతున్నట్లు కొన్ని ఇంటర్వ్యూలలో చెప్పుకొచ్చాడు. ఇక ఈ మూవీలో విలన్‌గా హాలీవుడ్ నుంచి మనుషులను దింపుతున్నాడు. 

ఇది కూడా చదవండి: ‘విశ్వం’ ట్రైలర్ అదరహో.. కడుపుబ్బా నవ్వించే సీన్లు హైలైట్

హాలీవుడ్ మార్కెల్ యూనివర్స్‌కు చెందిన స్టార్ హీరోను ప్రభాస్‌ను ఢీకొట్టే పాత్రలో తీసుకువస్తున్నట్లు తెలుస్తోంది. కొరియన్ యాక్టర్ మా డాంగ్ సియోక్ ఇందులో విలన్‌గా నటించబోతున్నట్లు సమాచారం. కాగా ఈ సినిమా దాదాపు రూ.400 కోట్లకు పైగా బడ్జెట్‌తో తెరకెక్కిస్తున్నట్లు తెలుస్తోంది. దీనికి హర్షవర్థన్ మ్యూజిక్ అందిస్తుండగా.. టి-సిరీస్, భద్రకాళి పిక్చర్స్ భారీ స్థాయిలో నిర్మిస్తున్నాయి.