స్టార్ హీరోలతో మల్టీ స్టారర్ పై లోకేష్ కనగరాజ్ షాకింగ్ కామెంట్స్..!

కోలీవుడ్ లో ఓ సినిమాటిక్ యూనివర్స్ ను క్రియేట్ చేసి వరుస విజయాలతో దూసుకుకెళ్తున్న టాలెంటెడ్ డైరెక్టర్ లోకేష్ కనగరాజ్ ప్రస్తుతం సూపర్ స్టార్ రజనీకాంత్ తో 'కూలీ' అనే సినిమా చేస్తున్న విషయం తెలిసిందే. గోల్డ్ స్మగ్లింగ్ నేపథ్య కథతో తెరకెక్కుతున్న ఈ సినిమా షూటింగ్ శరవేగంగా సాగుతోంది. భారీ బడ్జెట్ తో రూపొందుతున్న ఈ సినిమాలో కింగ్ నాగార్జున విలన్ రోల్ లో కనిపించనున్నాడు. 

ఈ సినిమా తర్వాత సౌత్ లోని అగ్ర హీరోలతో సినిమాలు ప్లాన్ చేసిన లోకేష్ కనగరాజ్ ఇటీవల ఓ ఇంటర్వ్యూలో సినిమాలపై రజినీకాంత్ డెడికేషన్ గురించి ఆసక్తికర వ్యాఖ్యలు చేశారు. ఇందులో భాగంగానే స్టార్ హీరోలతో మల్టీ స్టారర్ చేయడంపై నోరు విప్పాడు." రజినీకాంత్ నాకంటే ముందే సెట్స్‌కు చేరుకుంటారు. ఉదయం 9 గంటలకు షూట్ అంటే.. 7 గంటలకే సెట్స్‌కు వచ్చి రెడీగా ఉంటారు. 

Also Read : ఫహాద్ ఫాజిల్ 'ఆవేశం' తెలుగు రీమేక్ లో నటించనున్న స్టార్ హీరో!?

సెట్స్ కు ముందే వస్తారు..

ఈ విషయంలో రజినీ ఎప్పుడూ ముందుంటారు. కమల్ హసన్, విజయ్‌లు కూడా ఆయన టైమింగ్‌ గురించి ఎన్నోసార్లు నాకు చెప్పారు. కమల్, విజయ్‌ కూడా వారి కోస్టార్‌లను ఎంతో గౌరవించి మాట్లాడుతారు. వారి వల్ల ఎప్పుడూ షూట్ లేట్ కాదు. సమయానికి సెట్స్‌కు వస్తారు.. ఆలస్యమైనా ఫర్వాలేదని నేను చెప్పినప్పటికీ ముందే వచ్చేస్తారు. 

మల్టీస్టారర్ చాలా ఈజీ..

నిజానికి స్టార్ హీరోలతో మల్టీ స్టారర్ చిత్రాలు తెరకెక్కించడం అనుకున్న దానికంటే సులువు అని నేనంటా. ఎందుకంటే వారు క్రమశిక్షణతో ఉంటారు. సమయపాలన పాటిస్తారు. అలాగే తోటి కోస్టార్‌లను గౌరవిస్తుంటారు. స్క్రిప్ట్ విషయంలో కొత్తదనాన్నికోరుకుంటారు.." అంటూ చెప్పుకొచ్చాడు. దీంతో లోకేష్ కనగరాజ్ కామెంట్స్ నెట్టింట వైరల్ అవుతున్నాయి.

Also Read : అమెరికా ఎన్నికల్లో 'జై బాలయ్య'.. వైరల్ అవుతున్న బ్యాలెట్ పేపర్