K Ramp OTT: 'కే ర్యాంప్' ఎంటర్టైన్మెంట్..! ఇప్పుడు ఓటీటీలోకి.. స్ట్రీమింగ్ ఎక్కడంటే...?

K Ramp OTT: టాలీవుడ్ యంగ్ హీరో కిరణ్ అబ్బవరం(Kiran Abbavaram) నటించిన తాజా సినిమా కే ర్యాంప్ థియేటర్లలో మంచి విజయాన్ని సాధించింది. దీపావళి కానుకగా విడుదలైన ఈ రొమాంటిక్ కామెడీ ఎంటర్‌టైనర్ ప్రేక్షకులను ఆకట్టుకుంది. జైన్స్ నాని దర్శకత్వంలో రూపొందిన ఈ సినిమాకు రాజేశ్ దండా, శివ బొమ్మక్కు నిర్మాతలు. వీరు హాస్య మూవీస్, రుద్రాంశ్ సెల్యులాయిడ్ బ్యానర్లపై ఈ చిత్రాన్ని నిర్మించారు.

యుక్తి థరేజా ఇందులో హీరోయిన్‌గా నటించింది. సాయికుమార్, నరేశ్ వి.కె., కామ్నా జెఠ్మలానీ, మురళీధర్ గౌడ్, వెన్నెల కిషోర్ తదితరులు కీలక పాత్రల్లో కనిపించారు. సంగీతాన్ని చైతన్ భారద్వాజ్ అందించగా, ఆయన ఇచ్చిన ట్యూన్స్ సినిమాకు మంచి ఆకర్షణగా మారాయి.

Also Read :  ఈ ఒక్క ఫొటో చాలు బాబోయ్!... రాజ్‌కు సమంత హగ్‌.. త్వరలోనే పెళ్లి!

'కే ర్యాంప్' మొత్తం రూ. 40 కోట్ల గ్రాస్ వసూళ్లు

బాక్సాఫీస్ వద్ద ఈ చిత్రం మంచి కలెక్షన్లు రాబట్టింది. చిత్ర బృందం ప్రకారం, కే ర్యాంప్ మొత్తం రూ. 40 కోట్ల గ్రాస్ వసూళ్లు సాధించింది. ఇప్పుడు థియేట్రికల్ రన్ ముగియడంతో, ఈ సినిమా ఓటీటీకి వస్తోంది. తాజా సమాచారం ప్రకారం, కే ర్యాంప్ నవంబర్ 15న ప్రముఖ తెలుగు ఓటీటీ వేదిక ఆహాలో స్ట్రీమింగ్ కానుంది. థియేటర్‌లో చూడలేకపోయిన వారు ఇప్పుడు ఇంట్లోనే ఈ హిట్ సినిమాను ఆస్వాదించవచ్చు.

Also Read :  ‘రేసుగుర్రం నటుడిని చంపేస్తాం’.. గ్యాంగ్‌స్టర్ మాస్ వార్నింగ్..!

కథ విషయానికొస్తే - కుమార్ (కిరణ్ అబ్బవరం) ఒక డబ్బుగల కుటుంబానికి చెందిన యువకుడు. అతని తండ్రి కృష్ణ (సాయికుమార్) అతనిని చాలా ప్రేమతో పెంచుతాడు. అయితే కుమార్ చదువుపై ఆసక్తి చూపడు, తాగుతూ తిరుగుతూ సరదా జీవితం గడుపుతుంటాడు. తన కుమారుడిని మారుస్తాడనే ఆశతో తండ్రి అతన్ని కేరళలోని ఒక కాలేజీలో చేర్పిస్తాడు. అక్కడ అతను మెర్సీ జాయ్ (యుక్తి థరేజా)ను చూసి ప్రేమలో పడతాడు. కానీ మెర్సీకి ఒక మానసిక సమస్య ఉంటుంది. ఆ సమస్య కారణంగా వారి ప్రేమకథ ఎలాంటి మలుపు తీసుకుంది అనేది సినిమా హైలైట్. మొత్తానికి, కే ర్యాంప్ థియేటర్లలో ప్రేక్షకులను నవ్వించి, ఎమోషన్‌తో మంత్ర ముగ్ధులను చేసింది. ఇప్పుడు అదే ఎంటర్‌టైన్మెంట్‌ను ఆహాలో నవంబర్ 15 నుంచి ప్రేక్షకులు చూడొచ్చు.