Kayadu Lohar: నేను అలాంటి దాన్ని కాదు.. 'డ్రాగన్' బ్యూటీ సంచలనం

Kayadu Lohar: తన కొత్త తెలుగు చిత్రం ‘ఫంకీ’ (విశ్వక్ సేన్ హీరోగా) విడుదలకు సిద్ధమవుతున్న సమయంలో, నటి 'కయాదు లోహార్' తనపై వచ్చిన ఆరోపణల గురించి ఇటీవల ఇచ్చిన ఇంటర్వ్యూలో భావోద్వేగంగా మాట్లాడింది.

కయాదు మాట్లాడుతూ, “ఇలా నాపై అనవసర కామెంట్లు వస్తాయని ఎప్పుడూ ఊహించలేదు. ‘మర్చిపో’ అంటారు కానీ అది అంత సులభం కాదు. నేను నా కలలను నిజం చేసుకోవడానికి కష్టపడ్డాను. అయినా నాపై ఇలాంటి మాటలు రావడం చాలా బాధగా ఉంది. నిజంగా నేను ఆ మాటలకు అస్సలు ఓకే కాదు,” అని చెప్పింది.

Also Read: Rasha Thadani: గ్రీన్ శారీలో మెరిసిపోతున్న రాశా థడానీ.. సోషల్ మీడియాను షేక్ చేస్తున్న ఫొటోలు!

కొంత కాలం క్రితం ఆమె పేరు 'TASMAC స్కామ్'లో ED దర్యాప్తుతో అనుసంధానమైందని గాసిప్స్ వచ్చాయి. తమిళనాడులో ప్రభుత్వానికి చెందిన మద్యం సంస్థ అయిన TASMAC‌కు సంబంధించిన ఆర్థిక అక్రమాలపై వచ్చిన ఈ కేసులో ఆమె పేరు అనవసరంగా లాగారని చెప్పింది.

ఈ రూమర్స్ బయటకు వచ్చినప్పటి నుండి, సోషల్ మీడియాలో కయాదు  పై పలు ఆరోపణలు, ముఖ్యంగా కాస్టింగ్ కౌచ్ ఆరోపణలు ప్రచారంలోకి వచ్చాయి. ఇవన్నీ తనను చాలా బాధపెట్టాయని ఆమె స్పష్టంగా తెలిపింది.

తమిళంలో ప్రదీప్ రంగనాథన్ సరసన అశ్వత్ మారిముతు దర్శకత్వం వహించిన “డ్రాగన్” సినిమాలో నటించి మంచి గుర్తింపు తెచ్చుకున్న కయాదు, తమిళ-తెలుగు ప్రేక్షకుల ప్రేమను సమానంగా అందుకుంది.

ప్రస్తుతం, ‘ఫంకీ’ ద్వారా తెలుగు ప్రేక్షకుల ముందుకు రాబోతున్న ఆమె, తనపై వచ్చిన తప్పుడు ప్రచారాల వల్ల మానసికంగా కుంగిపోయినా, ఇవన్నీ దాటి ముందుకు సాగాలని ప్రయత్నిస్తున్నట్లు చెప్పింది. ఈ ఆరోపణలు ఆమె కెరీర్‌పై ప్రభావం చూపకూడదని అభిమానులు ఆశిస్తూ, సోషల్ మీడియాలో ఆమెకు మద్దతు తెలియజేస్తున్నారు.