/rtv/media/media_files/2025/06/02/CHeUkH8LA1FlaA4hR5IY.jpg)
kamal moves to Karnataka high court for thug life release
Follow Us
Kamal Haasan: కమల్ హాసన్ కన్నడ భాష వివాదం రోజురోజుకు ముదురుతోంది. ఈ వివాదంతో కర్ణాటకలో ఆయన తాజా చిత్రం ‘థగ్ లైఫ్’ విడుదల ప్రశ్నార్థకంగా మారింది. కమల్ క్షమాపణలు చెప్పకపోతే కర్ణాటకలో ఈ చిత్రాన్ని అడ్డుకుంటామని KFCC (కర్ణాటక ఫిల్మ్ ఛాంబర్ ఆఫ్ కామర్స్ ) హెచ్చరికలు చేస్తోంది.
హైకోర్టుకు కమల్ హాసన్
ఈ నేపథ్యంలో కమల్ తాజాగా కర్ణాటక హైకోర్టును ఆశ్రయించారు. తన ‘థగ్ లైఫ్’ చిత్రాన్ని కర్ణాటకలో విడుదల చేసేందుకు వీలుగా ఆదేశాలు జారీ చేయాలని న్యాయస్థానాన్ని కోరారు. దీనికి సంబంధించిన పిటీషన్ ను తన నిర్మాణ సంస్థ రాజ్ కమల్ ఫిల్మ్స్ ఇంటర్నేషనల్‌ చీఫ్‌ ఎగ్జిక్యూటివ్‌ ఆఫీసర్‌ ద్వారా దాఖలు చేశారు. తన సినిమా విడుదలకు ఇబ్బంది కలిగించకుండా పోలీసు శాఖకు, చలచిత్ర విభాగాలకు, రాష్ట్ర ప్రభుత్వానికి ఆదేశాలు జారీ చేయాలని అభ్యర్థించారు. థగ్ లైఫ్ చిత్రం జూన్ 5న విడుదల కానుంది. ఈ నేపథ్యంలో మేకర్స్ ఆందోళన చెందుతున్నట్లు తెలుస్తోంది.
💥👊 #KamalHaasan has taken legal steps to lift the ban on #ThugLife in Karnataka!
— Kollywood Now (@kollywoodnow) June 2, 2025
He has moved to the High Court to get the film released! Remember, he won the #Vishwaroopam case before—he’s all set to fight this one too! 💪#SilambarasanTR | #ManiRatnam pic.twitter.com/4zbmBf9llQ
అసలేం జరిగింది
అయితే ఇటీవలే థగ్ లైఫ్ ఆడియో రిలీజ్ లో పాల్గొన్న కమల్ హాసన్ తమిళ భాష నుంచి కన్నడ భాష పుట్టిందని అన్నారు. ఈ వ్యాఖ్యలు కాస్త వివాదాస్పదంగా మారాయి. కన్నడిగుల మనోభావాలు దెబ్బతీసేలా కమల్ వ్యాఖ్యలు ఉన్నాయని పలువురు రాజకీయ నాయకులు, నెటిజన్లు విమర్శలు వ్యక్తం చేశారు. దీంతో కమల్ హాసన్ తన వ్యాఖ్యలకు క్షమాపణలు చెప్పాలని లేదంటే కర్ణాటకలో ఆయన చిత్రాన్ని బ్యాన్ చేస్తామని నిరసనలు తెలుపుతున్నారు.
