మంచు ఫ్యామిలీలో గొడవ.. పొట్టుపొట్టు కొట్టుకున్న తండ్రి కొడుకులు!

Manchu Manoj: నిత్యం ఏదో ఒక వివాదంతో వార్తల్లో నిలిచే మంచు ఫ్యామిలీలో మరోసారి విభేదాలు తార స్థాయికి చేరాయి. తాజాగా తన తండ్రి మోహన్  బాబు తనపై, తన భార్య మౌనికపై దాడి చేశారని మనోజ్ ఆరోపించారు. గాయాలతో పహాడీ షరీఫ్ పొళిసై స్టేషన్ లో ఫిర్యాదు చేశారు మంచు మనోజ్. స్కూల్, ఆస్తుల వ్యవహారంపై ఈ గొడవ జరిగినట్లు తెలుస్తోంది. కాగా తనపై తన కుమారుడు మంచు మనోజ్ దాడి చేశాడని మోహన్ బాబు పోలీస్ స్టేషన్ లో ఫిర్యాదు చేశారు. అయితే మంచు ఫ్యామిలీలో కొడుకు, తండ్రి గొడవ సినీ ఇండస్ట్రీలో సంచలనంగా మారింది.

ఇది కూడా చదవండి: రేషన్ మాఫియాలో వైసీపీ మాజీ ఎమ్మెల్యే.. క్లారిటీ!

పరస్పర కేసులు...

అందిన సమాచారం ప్రకారం.. మోహన్ బాబు, మంచు మనోజ్ మధ్య గత కొంత కాలంగా ఈ ఆస్తుల వివాదం నడుస్తున్నట్లు తెలుస్తోంది. పలుమార్లు వీరు మనోజ్ తన వాటాపై మోహన్ బాబుతో చర్చలు జరిపినట్లు సమాచారం. కాగా తాజాగా మరోసారి జరిగిన చర్చల్లో మంచు మనోజ్ అడిగిన దానికి మోహన్ బాబు నిరాకరించడంతో.. వీరి మధ్య గొడవ వాతావరణం ఏర్పడింది. మధ్యలో తనకు మద్దతుగా వచ్చిన భార్య మౌనిక పై మోహన్ బాబు చేయి చేసుకున్నట్లు మనోజ్ ఆరోపిస్తున్నారు. ఇదే అంశంపై మంచు కుటుంబం మరో సారి వార్తల్లో నిలిచింది. గాయాలతో వెళ్లి మనోజ్ పోలీస్ స్టేషన్ లో ఫిర్యాదు చేయగా.. మోహన్ బాబు కూడా మనోజ్ పై ఫిర్యాదు చేశారు. ఇలా ఒకరిపై ఒకరు పరస్పర ఫిర్యాదులు చేసుకున్నారు. మరి మంచు ఫ్యామిలీలో భగ్గుమన్న ఆస్తుల వివాదం ఎంత వరకు దారి తీస్తుందో వేచి చూడాలి. 

ఇది కూడా చదవండి: BREAKING: బీఆర్ఎస్ ఎమ్మెల్యే కౌశిక్ రెడ్డి కారు, ఫోన్ సీజ్!

గతంలో అన్నతో కూడా...

గతంలో అన్నదమ్ములు మంచు మనోజ్, విష్ణు నడుమ గొడవ జరిగింది. అర్థరాత్రి మనోజ్ పీఏ ఇంటికి వెళ్లి మంచు విష్ణు అతనిపై దాడి చేశాడు. అదే సమయంలో అక్కడికి చేరుకున్న మనోజ్ ఆ గొడవను ఆపేందుకు ప్రయత్నిస్తూ.. వీడియో తీసి సోషల్ మీడియాలో పోస్ట్ చేశాడు. తన అన్న విష్ణు, తన పీఏను బెదిరిస్తున్నాడని, దౌర్జన్యం చేస్తున్నాడని వీడియోలో చెప్పాడు. ఆ నాడు మంచు మనోజ్, విష్ణు మధ్య జరిగిన దాడిపై మంచు లక్ష్మి స్పందించింది. ఇది ఒక రియాల్టీ షో కోసం చేసిన ప్రమోషన్ వీడియో అని చెప్పుకొచ్చింది. అయితే ఇప్పటి వరకు ఆ షో కు సంబంధించి ఇంకా ఎలాంటి అప్డేట్స్ రాలేదు. తాజాగా జరిగిన వ్యవహారంతో ఆనాడు కూడా అన్నదమ్ముల మధ్య ఆస్తి వివాదాలే జరిగాయనే అనుమానాలు వ్యక్తం అవుతున్నాయి.