ఫహాద్ ఫాజిల్ 'ఆవేశం' తెలుగు రీమేక్ లో నటించనున్న స్టార్ హీరో!?

ఫహాద్ ఫాజిల్ ఈ ఏడాది మలయాళంలో నటించిన 'ఆవేశం' సినిమా బ్లాక్ బస్టర్ హిట్ అయిన సంగతి తెలిసిందే.  ఓ రౌడీ కథతో తెరకెక్కిన ఈ సినిమాలో ఫహాద్ ఫాజిల్ ఓ వైపు విలక్షణ నటనతో మరోవైపు అదిరిపోయే కామెడీ పండించి ఆడియన్స్ ను బాగా ఆకట్టుకున్నాడు.  ఫహాద్ కు ఇండియా వైడ్ గా మంచి క్రేజ్ ఉండటంతో ఈ మూవీని ఇతర భాషల ఆడియన్స్ సైతం థియేటర్స్ లో సబ్ టైటిల్స్ తో మరీ చూశారు.

దీంతో బాక్సాఫీస్ దగ్గర ఈ సినిమా రూ.150 కోట్లకు పైగా వసూళ్లు రాబట్టి మలయాళ ఇండస్ట్రీలో ఈ ఇయర్ హైయెస్ట్ కలెక్షన్స్ సాధించిన చిత్రాల్లో ఒకటిగా నిలిచింది. అయితే తెలుగులో ఈ సినిమాను డబ్ చేసి రిలీజ్ చేస్తారేమో అని అనుకున్నారు. కానీ ఈ మూవీ తెలుగులో రీమేక్ కాబోతుంది. అందుకే 'ఆవేశం' డబ్బింగ్ వెర్షన్ ను ఇప్పటిదాకా రిలీజ్ చేయలేదు. 'ఆవేశం' తెలుగు రీమేక్ లో మొదటగా బాలయ్య పేరు వినిపించింది.

Also Read : అమెరికా ఎన్నికల్లో 'జై బాలయ్య'.. వైరల్ అవుతున్న బ్యాలెట్ పేపర్

 రవితేజ హీరోగా..

ఆ తరువాత  విశ్వక్ సేన్, సిద్దు జొన్నలగడ్డ పేర్లు సైతం బయటికొచ్చాయి. కానీ తాజా సమాచారం ప్రకారం ఈ రీమేక్ లో నటించేది వీళ్ళెవ్వరూ కాదు. ఆ ఛాన్స్ మన మాస్ మహారాజా రవితేజకు దక్కిందట. స్వయంగా రవితేజ ఈ మూవీ రీమేక్ రైట్స్ ను కొన్నట్లు వఫిలిం సర్కిల్స్ లో టాక్ వినిపిస్తోంది. ఈ సినిమాలో ఆయన నటించడమే కాకుండా నిర్మాతగా కూడా వ్యవహరిస్తున్నట్లు సమాచారం.

సినిమాలో ఫహద్ ఫాసిల్ పోషించిన రంగస్థలం పాత్రలో రవితేజ నటించనుండగా, కథలో కూడా కొన్ని మార్పులు కూడా చేశారని తెలుస్తోంది. అయితే ఈ రీమేక్ ను ఎవరు డైరెక్ట్ చేస్తారనే దానిపై ఇంకా క్లారిటీ రావాల్సి ఉంది. రవితేజ అవుట్ అండ్ అవుట్ కామెడీ ఎంటర్టైనర్ లో నటించి చాలా కాలమే అవుతుంది. ఈ ఆమధ్య ఆయన సినిమాల్లో ప్రయోగాత్మక పాత్రలు చేస్తూ వరుస ప్లాప్స్ అందుకుంటున్నాడు. 'ఆవేశం' లాంటి యాక్షన్ అండ్ కామెడీ మూవీలో నటిస్తే హిట్ గ్యారెంటీ అని చెప్పొచ్చు.

Also Read : యంగ్ రైటర్స్, డైరెక్టర్స్ కు ప్రభాస్ ఓపెన్ ఆఫర్.. మీ దగ్గర మంచి కథ ఉందా?