ఓవర్సీస్ లో 'దేవర' ర్యాంపేజ్.. రిలీజ్ కు ముందే రికార్డులు

Devara Movie : మ్యాన్ ఆఫ్ మాసెస్ జూనియర్ ఎన్టీఆర్ హీరోగా కొరటాల శివ దర్శకత్వంలో తెరకెక్కిన హై వోల్టేజ్ యాక్షన్ డ్రామా రిలీజ్ కు ముందే సరికొత్త రికార్డులు సృష్టిస్తోంది. రెండు భాగాలుగా ప్రేక్షకుల ముందుకు రానున్న ఈ మూవీ పార్ట్-1 సెప్టెంబర్ 27 న వరల్డ్ వైడ్ గ్రాండ్ గా రిలీజ్ కాబోతుంది. ఇప్పటికే తెలుగు రాష్ట్రాల్లో దేవర ఫీవర్ నెక్స్ట్ లెవెల్ లో ఉంది. అటు ఓవర్సీస్ లోనూ ఇదే ఫీవర్ కొనసాగుతోంది. 

ఈ సినిమా ప్రీ సేల్స్  లో అరుదైన రికార్డు నమోదు చేసింది. నార్త్‌ అమెరికాలో 'దేవర' ప్రీ సేల్స్‌లో 2 మిలియన్‌ డాలర్ల మార్క్‌ను దాటేసింది.  ఈ విషయాన్ని తెలుపుతూ నిర్మాణ సంస్థ ప్రత్యేక పోస్టర్‌ విడుదల చేసింది. రిలీజ్‌కు మరో మూడు రోజులు ఉండడంతో ఈ సంఖ్య మరింత పెరిగే అవకాశముందని అభిమానులు భావిస్తున్నారు. 

#Devara has declared an electrifying rampage igniting a wave of fiery euphoria! 🔥🔥

𝐔𝐒𝐀 𝐏𝐫𝐞𝐦𝐢𝐞𝐫𝐞𝐬 𝐏𝐫𝐞 𝐬𝐚𝐥𝐞𝐬 𝐚𝐥𝐨𝐧𝐞 have crossed $2Million+ Gross and going bonkers at the Box Office! 💥💥#DevaraUSA by @PrathyangiraUS & @Hamsinient pic.twitter.com/8fy0FgScHF

— NTR Arts (@NTRArtsOfficial) September 24, 2024

రెండో హీరోగా రికార్డ్..

పాన్ ఇండియా హీరో ప్రభాస్ తర్వాత వరుసగా రెండు సినిమాలతో ఈ ఫిగర్‌ను దాటిన తొలి భారతీయ నటుడిగా తారక్ నిలవడం విశేషం. టాలీవుడ్ నుంచి ప్రభాస్, ఎన్టీఆర్ తప్ప మరే హీరో సినిమా నార్త్ అమెరికాలో రిలీజ్ కు ముందే 2 మిలియన్ మార్క్ టచ్ చేయకపోవడం గమనార్హం. దీన్ని బట్టి ఓవర్సీస్ లో 'దేవర' క్రేజ్ ఏ రేంజ్ లో ఉందో అర్థం చేసుకోవచ్చు. కాగా యూఎస్‌ఏలో 'దేవర' ప్రీమియర్స్‌ సెప్టెంబర్ 26ను షురూ కానున్నాయి.

అమెరికాలో తారక్..

ఇక 'దేవర' ప్రమోషన్స్‌ కోసం ఎన్టీఆర్‌ అమెరికా వెళ్లారు. లాస్‌ ఏంజెలిస్‌లో జరగనున్న బియాండ్‌ ఫెస్ట్‌లో ఆయన పాల్గోనున్నారు. ఆ ఈవెంట్‌లో ప్రదర్శితం కానున్న తొలి భారతీయ చిత్రంగా ఎన్టీఆర్‌ ‘దేవర’ నిలిచిన సంగతి తెలిసిందే. చిత్రోత్సవాల్లో భాగంగా ఈనెల 26న అమెరికాలోని ప్రఖ్యాత ఈజిప్షియన్‌ థియేటర్‌లో ప్రీమియర్‌గా ‘దేవర’ను ప్రదర్శించనున్నారు. దీనికోసం ఎన్టీఆర్‌ ఇప్పటికే లాస్‌ ఏంజెలిస్‌ చేరుకున్నారు.