Deepika Padukone: “కల్కి 2898 AD”OTTలో దీపికా పదుకొనే పేరు మళ్లీ చేరింది! వివాదానికి తెరపడిందా?

Deepika Padukone: ప్రభాస్(Prabhas) నటించిన పాన్-ఇండియా బ్లాక్‌బస్టర్ “కల్కి 2898 AD”(Kalki 2898 AD) తాజాగా మరోసారి హాట్ టాపిక్‌గా మారింది. దీపికా పదుకొనే పేరు ఎండ్ క్రెడిట్స్‌లో ఉందా..? లేదా..? అన్న విషయం ఇప్పుడు గందరగోళంగా మారింది.

వివాదం ఎలా మొదలైంది?

కొద్ది రోజుల క్రితం సోషల్ మీడియాలో ఓ రెడిట్ స్క్రీన్‌షాట్ వైరల్ అయింది. అందులో ఓటీటీలో స్ట్రీమవుతున్న “కల్కి 2898 AD” ఎండ్ క్రెడిట్స్‌లో దీపికా పేరు లేకపోవడం గమనించిన అభిమానులు ఆగ్రహం వ్యక్తం చేశారు. వైజయంతీ మూవీస్‌పై తీవ్ర విమర్శలు వచ్చాయి. కొందరు “సినిమా నుండి పేరు తీసేస్తే, ఆమె నటన గొప్పతనం తగ్గిపోతుందా?” అంటూ విమర్శలు గుప్పించారు. మరికొందరు, “థియేటర్ రిలీజ్‌లో పేరు లేకుండా విడుదల చేసి, తర్వాత జోడించారు, ఇప్పుడు మళ్లీ తీసేశారు!” అంటూ అసంతృప్తి వ్యక్తం చేశారు.

మళ్లీ క్రెడిట్స్‌లో దీపికా పేరు!

ఇప్పుడు తాజా సమాచారం ప్రకారం, నెట్‌ఫ్లిక్స్, అమెజాన్ ప్రైమ్‌లో స్ట్రీమవుతున్న “కల్కి 2898 AD”లో దీపికా పేరు మళ్లీ కనిపిస్తోంది. ప్రముఖ మీడియా సంస్థ Zoom ఈ విషయాన్ని ధృవీకరించింది. ఇక ప్రశ్న ఏమిటంటే – దీపికా పేరు నిజంగానే తొలగించబడిందా? లేక ఇది కేవలం సాంకేతిక లోపమా అన్నది స్పష్టంగా తెలియాల్సి ఉంది. కానీ అభిమానులు మాత్రం ఆమె పేరు తిరిగి రావడంపై సంతోషం వ్యక్తం చేస్తున్నారు.

దీపికా సీక్వెల్‌లో లేరా?

దీపికా “కల్కి 2898 AD”లో సుమతి పాత్రతో ప్రేక్షకుల హృదయాలను గెలుచుకున్నారు. కానీ వైజయంతీ మూవీస్ ఇటీవల ప్రకటించిన ప్రకారం, ఆమె సీక్వెల్‌లో భాగం కాదని స్పష్టం చేశారు. ఈ వార్త అభిమానులను నిరాశపరిచింది. ఆమె నటనకు వచ్చిన ప్రశంసలు, పాత్ర ప్రాధాన్యత దృష్ట్యా ఆమె లేని రెండో భాగం ఎలా ఉంటుందో అనే ఉత్కంఠ ఉంది.

సోషల్ మీడియాలో అభిమానులు స్పందిస్తూ .. “దీపికా పేరు లేకపోవడం షాకింగ్. ఆమె ఈ సినిమాకు ప్రాణం.” “ఇప్పుడు మళ్లీ పేరు చేర్చారు, కనీసం న్యాయం జరిగింది.” అని కామెంట్లు పెడుతున్నారు. 

“కల్కి 2898 AD” చుట్టూ ఉన్న ఈ వివాదం తాత్కాలికంగా ముగిసినట్టే కనిపిస్తోంది. కానీ దీపికా రెండో భాగంలో లేకపోవడం మాత్రం ఇంకా అభిమానులకు నిరాశ కలిగిస్తోంది. ఏదేమైనా, ఆమె పేరు మళ్లీ క్రెడిట్స్‌లో కనిపించడం మాత్రం ఓ పాజిటివ్ పరిణామంగా చెప్పవచ్చు.

“కల్కి 2898 AD” ఓటీటీలో దీపికా పదుకోన్ పేరు తొలగించారనే వివాదం మధ్య, ఇప్పుడు ఆమె పేరు మళ్లీ క్రెడిట్స్‌లో కనిపిస్తోంది. దీనిపై అభిమానులు సంతోషం వ్యక్తం చేస్తున్నారు. అయితే సీక్వెల్‌లో దీపికా లేకపోవడం మాత్రం నిరాశ కలిగిస్తోంది.