Shiva 4k Re Release: 'శివ' సినిమాలో ఈ చైల్డ్ ఆర్టిస్ట్ గుర్తుందా..? ఇప్పుడు ఎలా ఉందో చూస్తే షాక్..!

Shiva 4k Re Release: నాగార్జున(Nagarjuna) - రామ్ గోపాల్ వర్మ(RGV) కలయికలో వచ్చిన ‘శివ’ సినిమా తెలుగు సినీ పరిశ్రమలో ఒక మైలురాయి చిత్రంగా నిలిచిపోయింది. ఈ సినిమా ద్వారా ఇండియన్ సినిమాకే కొత్త దిశ చూపించాడు ఆర్జీవీ. ఇప్పుడు ఈ కల్ట్ క్లాసిక్ చిత్రం 35 ఏళ్ల తర్వాత మళ్లీ రీ-రిలీజ్‌కి సిద్ధమవుతోంది. ఈ నేపథ్యంలో నాగార్జున, ఆర్జీవీ ఇద్దరూ కలిసి సినిమా ప్రమోషన్లు జోరుగా చేస్తున్నారు.

ఆర్జీవీ ట్వీట్ వైరల్.. RGV Tweet Viral

This is the grown up girl Sushma from the iconic cycle chase scene in SHIVA where she is sitting scared on the bar with @Iamnagarjuna cycling in tension .. @symbolicsushi is now doing research in AI and Cognitive Science in the USA pic.twitter.com/L69aSyCQPF

— Ram Gopal Varma (@RGVzoomin) November 12, 2025

ఇటీవల ఆర్జీవీ చేసిన ఒక ట్వీట్ నెట్‌లో వైరల్ గా మారింది. ఆయన ‘శివ’ సినిమాలో నటించిన ఒక చైల్డ్ ఆర్టిస్ట్‌ సుష్మ(Child Artist in Shiva Movie) గురించి గుర్తుచేసుకున్నారు. సినిమాలో మురళీ మోహన్ కూతురుగా నటించిన ఆ చిన్నారి సుష్మ, నాగార్జున పాత్రకు “బాబాయ్” అంటూ వెనుక తిరుగుతూ కనిపిస్తుంది. నాగార్జునతో కలిసి ఆమెపై తీసిన సైకిల్ ఛేజ్ సీన్ ప్రేక్షకులు ఎప్పటికి మర్చిపోలేరు.

విలన్స్ వెంటపడే సన్నివేశంలో నాగార్జున, ఆ చిన్నారిని సైకిల్‌పై కూర్చోబెట్టి తప్పించుకునే ఆ సీన్ అప్పట్లో చాలా హైలైట్ అయింది. ఇప్పుడు 35 ఏళ్ల తర్వాత ఆ చిన్నారి ఎక్కడుంది, ఏమి చేస్తోంది అన్నది ఆర్జీవీ స్వయంగా వెల్లడించారు. ఆయన తన ‘ఎక్స్’ (ట్విట్టర్) అకౌంట్‌లో సుష్మ ప్రస్తుత ఫోటోను షేర్ చేస్తూ,
“శివ సినిమాలో భయంతో కనిపించిన ఆ చిన్నారి సుష్మ ఇప్పుడు అమెరికాలో AI & Cognitive Science లో రీసెర్చ్ చేస్తోంది” అని రాశారు.

దానికి సుష్మ కూడా స్పందిస్తూ, “ధన్యవాదాలు సర్! శివ సినిమా లెగసీలో నన్ను గుర్తుంచుకున్నందుకు చాలా సంతోషంగా ఉంది. చిన్నప్పుడు ఆ సినిమా అనుభవం ఎప్పటికీ మర్చిపోలేను. అలాంటి గొప్ప చిత్రంలో భాగం కావడం గర్వంగా ఉంది. నాగార్జున గారికి రీ రిలీజ్‌కి ఆల్ ది బెస్ట్!” అంటూ రీట్వీట్ చేసింది.

సుష్మ పూర్తి పేరు సుష్మ ఆనంద్ అకోజు. తెలుగు అమ్మాయి అయిన ఆమె ప్రస్తుతం అమెరికాలో నివసిస్తోంది. ఆమె సోషల్ మీడియాలో ఎక్కువగా తన రీసెర్చ్, సైన్స్ సంబంధిత పోస్టులనే షేర్ చేస్తుంది. ఇన్‌స్టాగ్రామ్ అకౌంట్ ప్రైవేట్‌లో ఉండడంతో, ఇప్పుడు నెటిజన్లు ఆమె గురించి మరింత తెలుసుకోవాలని ఆసక్తిగా వెతుకుతున్నారు.

మరోవైపు, 35 ఏళ్ల తర్వాత రీ రిలీజ్ అవుతున్న ‘శివ’ సినిమా నవంబర్ 14న ప్రేక్షకులను మళ్లీ థియేటర్లకు రప్పించేందుకు సిద్ధంగా ఉంది. ఆ కాలానికి తగ్గట్లుగా రూపొందించిన ఈ యాక్షన్ డ్రామా, ఇప్పటికీ అభిమానుల్లో ప్రత్యేక స్థానం సంపాదించుకుంది. 35 ఏళ్ల ‘శివ’ జ్ఞాపకాలు మళ్లీ తెరపైకి రావడం అభిమానులకు పండగలా మారింది.