'బొమ్మరిల్లు' షూటింగ్.. ఆ చిన్న సీన్ కోసం 35 టేకులు తీసుకున్న జెనీలియా

'బొమ్మరిల్లు' షూటింగ్ లో జెనీలియా తనపై కోపంతో వెళ్లిపోయిందని డైరెక్టర్ ఓ ఇంటర్వ్యూలో సినిమా విశేషాలను పంచుకున్నారు.' ఓ సీన్‌లో తింటావా అనే డైలాగ్ ఉంది. దీని కోసం జెనీలియా 35 టేక్‌లు తీసుకుంది. రాత్రి 10 గంట‌ల‌కు మొద‌లుపెడితే తెల్ల‌వారేవ‌రకు తీశాం' అని అన్నారు.

author-image
By Anil Kumar in సినిమా Latest News In Telugu
New Update
genelia

తెలుగు ప్రేక్షకులకు ఎప్పుడూ గుర్తుండిపోయే ఎవర్ గ్రీన్ లవ్ స్టోరీస్ లో 'బొమ్మరిల్లు' సినిమా కూడా ఒకటి. సిద్దార్థ్, జెనీలియా జంటగా నటించిన ఈ సినిమా డైరెక్టర్ భాస్కర్, నిర్మాత దిల్ రాజు కెరీర్స్ ను టర్న్ చేసింది. 2006లో విడుద‌లైన ఈ చిత్రం బ్లాక్ బస్టర్ హిట్ అందుకుంది. ముఖ్యంగా యూత్ కు బాగా కనెక్ట్ అవ్వ‌డంతో థియేటర్లో 100 రోజులు ఆడిన చిత్రంగా నిలిచింది. 

ఈ సినిమాతోనే దర్శకుడు భాస్కర్‌ 'బొమ్మరిల్లు భాస్కర్‌'గా మారాడు. ఇప్పుడు ఈ మూవీ రీ రిలీజ్ రూపంలో మళ్ళీ ప్రేక్షకుల ముందుకు రాబోతుంది. ఈ సందర్భంగా మూవీకి సంబంధించిన విష‌యాల‌ను ద‌ర్శ‌కుడు భాస్క‌ర్ ఒక ఇంట‌ర్వ్యూలో పంచుకున్నాడు. ఈ సినిమా షూటింగ్ లో జెనీలియా తనపై కోపంతో వెళ్లిపోయిందని, ఓ చిన్న సీన్ కోసం రాత్రంతా షూట్ చేసాం అని అన్నారు.

Also Read : పవర్ స్టార్ ఫ్యాన్స్ కు కిక్కిచ్చే న్యూస్.. షూటింగ్ లో జాయిన్ అయిన పవన్

ఇందుకు సంబంధించిన వీడియో నెట్టింట వైరల్ అవుతుంది. " సినిమా మొద‌టిరోజు షూటింగ్‌లో ఐస్‌క్రీమ్ సీన్ షూట్ చేశాం. జెనీలియా, సిద్దార్థ్ అప్పుడే వ‌చ్చి జాయిన్ అయ్యారు. ఈ సీన్‌లో తింటావా అనే ఒక డైలాగ్ ఉంది. అయితే ఈ సీన్ కోసం రాత్రి 10 గంట‌ల‌కు మొద‌లుపెడితే తెల్ల‌వారేవ‌రకు తీశాం. క‌నీసం 35 టేక్‌లు తీసుకున్నాను. 

కోపంతో వెళ్ళిపోయింది...

దీంతో జెనీలియా కోపంతో నా ద‌గ్గ‌రికి వ‌చ్చి ఎంటి రెండు ముక్క‌ల డైలాగ్ చెప్ప‌లేనా నేను అంటూ నేను ఈ సినిమా చేయ‌ను అంటూ వెళ్లిపోయింది. అయితే ఆ రోజు షూటింగ్‌కు అల్లు అర్జున్ వ‌చ్చాడు. తానే జెనీలియా ద‌గ్గ‌రికి వెళ్లి అలా చేయ‌కు. ఇది మంచి సినిమా, మంచి ద‌ర్శ‌కుడు మొద‌టిరోజే జ‌డ్జ్ చేయ‌కు.. ఈ సినిమా చేయి అంటూ త‌న‌ను ఒప్పించాడు" అంటూ చెప్పుకొచ్చాడు.

#actress-genelia
సంబంధిత కథనాలు
Advertisment
Advertisment
తాజా కథనాలు