అమెరికా ఎన్నికల్లో 'జై బాలయ్య'.. వైరల్ అవుతున్న బ్యాలెట్ పేపర్

'జై బాలయ్య'.. ఆంధ్రా నుండి అమెరికా వరకు ఈ స్లోగన్ చాలా ఫేమస్. ఎంత ఫేమస్ అంటే ఎలాంటి ఈవెంట్ లో అయినా 'జై బాలయ్య' అనే నినాదం మారు మోగేంత. కేవలం తెలుగు వాళ్లే కాదు ఈ ఆమధ్య అమెరికన్స్ కూడా బాలయ్యకు అభిమానులుగా మారుతున్నారు.సోషల్ మీడియా పుణ్యమా అని కొందరు ఫారెనర్స్ బాలయ్య డైలాగ్స్ తెలుగులో చెప్తున్న వీడియోలు రీల్స్ రూపంలో వైరల్ అయ్యాయి.

బాలయ్యా మజాకా..

ఇదంతా ఇప్పుడు ఎందుకు చెప్తున్నా అంటే.. తాజాగా జరిగిన అమెరికా ఎన్నికల్లో 'బాలయ్య' పేరు కూడా ఉంది. అమెరికాలో బ్యాలెట్ పత్రం ద్వారా..అధ్యక్షుడిని ఎన్నుకుంటుంటారు. పోటీల్లో ఉండే..ప్రముఖ పార్టీలు కాకుండా..థర్డ్ పార్టీగా వ్యవహరించే పోటీ దారుల్లో ఎవరినైనా ఎన్నుకోవాలంటే.. చివరి కాలమ్ లో వారి పేరు రాయాల్సి ఉంటుంది. ఈ కాలమ్ లోనే మన బాలయ్య పేరు కనిపించింది. 

Also Read : యంగ్ రైటర్స్, డైరెక్టర్స్ కు ప్రభాస్ ఓపెన్ ఆఫర్.. మీ దగ్గర మంచి కథ ఉందా?

దీంతో కొందరు ఈ బ్యాలెట్ పత్రాన్ని సోషల్ మీడియా పేజీల్లో షేర్ చేశారు. అది కాస్త వైరల్ గా మారింది. అమెరికా బ్యాలెట్ పేపర్ పై బాలయ్య పేరు చూసి నెటిజన్స్ అంతా షాక్ అవుతున్నారు. కొందరేమో 'ఇదెక్కడి మాస్ రా మావా అని, బాలయ్య క్రేజ్ వేరే లెవెల్ అంటూ కామెంట్స్ చేస్తున్నారు. కాగా ఇలా బ్యాలెట్ పేపర్ పై బాలయ్య పేరు కనిపించడం ఇది రెండోసారి. గతంలో 2020 లో బాలయ్యతో పాటూ వైఎస్ జగన్ పేరు కూడా కనిపించింది. 

Also Read : సాయి పల్లవికి కొత్త బిరుదు ఇచ్చిన నాగ చైతన్య.. ఏంటో తెలుసా?