Avika Gor: పెళ్లి పీటలేక్కబోతున్న చిన్నారి పెళ్లి కూతురు.. ఎంగేజ్మెంట్ ఫొటోలు వైరల్!

Avika Gor: 'చిన్నారి పెళ్లికూతురిగా' గుర్తింపు తెచ్చుకున్న నటి అవికా గోర్ త్వరలో పెళ్లి పీటలు ఎక్కబోతున్నారు. తాజాగా తన చిరకాల ప్రియుడు మిలింద్ చాంద్వానీ ని ఎంగేజ్మెంట్ చేసుకుంది. ఈ విషయాన్ని అవికా స్వయంగా తన సోషల్ మీడియాలో పంచుకుంది. అలాగే నిశ్చితార్థానికి సంబంధించిన  ఫోటోలను షేర్ చేసింది. ఈ పిక్స్ చూసిన నెటిజన్లు అవిక జంటకు శుభాకాంక్షలు తెలియజేస్తున్నారు. పెళ్లి ముహూర్తానికి సంబంధించిన వివరాలు త్వరలోనే వెల్లడికానున్నయి. 

సినిమాలు

అవిక సినిమాల విషయానికి వస్తే.. రాజ్ తరుణ్ సరసన 'ఉయ్యాల జంపాల' మూవీతో తెలుగు ప్రేక్షకులకు పరిచయమైంది. ఈ సినిమా మంచి విజయం సాధించడంతో అవికాకు తెలుగులో ఆఫర్లు మొదలయ్యాయి. ఆ తర్వాత అవిక నటించిన 'సినిమా చూపిస్తా మామ', 'ఎక్కడికి పోతావు చిన్నవాడా' సినిమాలు కూడా మంచి విజయన్ని అందుకున్నాయి. 

సినిమాలు మాత్రమే కాకుండా వెబ్ సీరీస్ లలోనూ నటించింది అవిక 'వధువూ', 'బ్రో' వంటి సీరీస్ లు చేసింది. ప్రస్తుతం ఈ ముద్దుగుమ్మకు తెలుగులో అవకాశాలు కరువయ్యాయి. సినిమాల్లో కనిపించకపొయినా.. సోషల్ మీడియాలో ఫుల్ యాక్టివ్ గా ఉంటుంది. తరచూ లేటెస్ట్ ఫొటో షూట్లతో నెటిజన్లను ఆకట్టుకుంటుంది అవికా .

Also Read: Maldives: మాల్దీవ్స్ టూరిజం అంబాసిడర్ గా కత్రినా.. దీని వెనుక కారణం అదేనా?