ఐకాన్ స్టార్ అల్లు అర్జున్ - సుకుమార్ కాంబోలో తెరకెక్కిన 'పుష్ప2' నేడు వరల్డ్ వైడ్ గ్రాండ్ గా రిలీజైన సంగతి తెలిసిందే. ఈ సినిమాకు అన్ని చోట్ల నుంచి బ్లాక్ బస్టర్ రెస్పాన్స్ వస్తోంది. సినిమాలో బన్నీ డైలాగ్స్, యాక్షన్, డ్యాన్స్ ఇలా ప్రతీ ఎలివెంట్ ఫ్యాన్స్ కు గూస్ బంప్స్ తెప్పిస్తోంది. మెగా హీరోలకు బన్నీ వార్నింగ్.. అయితే సినిమాల్లో అల్లు అర్జున్ చెప్పే ఓ డైలాగ్ సోషల్ మీడియాలో తెగ వైరల్ గా మారింది. ఈ డైలాగ్ బన్నీ.. మెగా హీరోలను ఉద్దేశించి అన్నాడని ఫ్యాన్స్ నెట్టింట వరుస పోస్టులు పెడుతున్నారు. సినిమాలోని ఓ సందర్భంలో పుష్ప.. నీకు, నీ కొడుక్కు, నీ తమ్ముడికి నేనే బాస్..' అనే డైలాగ్ చెబుతాడు. ఆ డైలాగ్ మెగా హీరోలకు సరిగ్గా సూట్ అవుతుందని ఫ్యాన్స్ అభిప్రాయ పడుతున్నారు. ఎందుకంటే ఈ మధ్య మెగా హీరోలతో అల్లు అర్జున్ కు అస్సలు పడటం లేదు. బన్నీ మూవీకి ఒక్క మెగా హీరో కూడా సపోర్ట్ చేయలేదు. అందుకే సినిమాలో బన్నీ చెప్పిన ఆ డైలాగ్ కు మెగా హీరోలైన చిరంజీవి, పవన్ కళ్యాణ్, రామ్ చరణ్ లను ట్యాగ్ చేసి మరీ సోషల్ మీడియాలో మెగా ఫ్యామిలీపై అల్లు ఫ్యాన్స్ ట్రోలింగ్ చేస్తున్నారు.