/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/05/FotoJet-73-2.jpg)
Boeing Cargo: ఇస్తాంబుల్‌ ఎయిర్‌పోర్ట్‌లో ఘోర విమాన ప్రమాదం తప్పింది. ల్యాండింగ్ గేర్ ఫెయిల్ కావడంతో కార్గో విమానం ఎమర్జెన్సీగా ల్యాండ్ కావాల్సివచ్చింది. ఈ క్రమంలో ఫ్లైట్ నెలపై దిగగానే ముందుభాగం ఒక్కసారిగా రనేవేకు రాసుకుంటూ వెళ్లడంతో మంటలొచ్చాయి. ఇందుకు సంబంధించిన వీడియో సోషల్ మీడియాలో వైరల్ అవుతోంది. విమానంలోని సిబ్బంది సురక్షితంగా బయటపడ్డట్లు అధికారులు వెల్లడించారు.
ఈ మేరకు అమెరికా పోస్టల్ కంపెనీ ఫెడెక్స్‌కు చెందిన బోయింగ్‌ 767 విమానం బుధవారం ఉదయం పారిస్ నుంచి టర్కీకి చేరుకుంది. ఇస్తాంబుల్‌ ఎయిర్‌పోర్ట్‌లో ల్యాండింగ్‌కు సిద్ధం కాగా ల్యాండింగ్ గేర్ విఫలమైనట్లు పైలట్‌ గుర్తించారు. ఎయిర్‌ ట్రాఫిక్‌ కంట్రోల్ (ఏటీసీ)కు ఈ విషయం చెప్పారు. దీంతో ఎమర్జెన్సీ ల్యాండింగ్‌కు ఆ విమానం ప్రయత్నించగా.. ఇస్తాంబుల్‌ ఎయిర్‌పోర్ట్‌లో ల్యాండ్ కాగానే విమానం ముందు భాగం రన్‌వేకు రాసుకుంది. అయితే అప్పటికే అక్కడ సిద్ధంగా ఉన్న ఫైర్‌ కంట్రోల్ సిబ్బంది వెంటనే స్పందించారు. ఫోమ్‌ చల్లి మంటలు, పొగలను కంట్రోల్ చేశారు. ఈ ప్రమాదంలో ఎవరు గాయపడలేదని స్పష్టం చేశారు. ఇక కార్గో విమానం ల్యాండ్ అయిన రన్‌వే తాత్కాలికంగా మూసివేయబడింది.