/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/08/balay-chiru-jpg.webp)
Balakrishna, Jr NTR Shakehand: నందమూరి అభిమానుల ఆనందానికి హద్దే లేకుండా పోయింది. ఎందుకంటే అందరూ ఏకమయ్యారు.. ఒకే చోట కనిపించారు.. సందడి చేశారు. నందమూరి హరికృష్ణ కూతురు సుహాసిని తనయుడు వెంకట శ్రీహర్ష వివాహం సాయి గీతికతో హైదరాబాద్ గచ్చిబౌలిలోని ఓ కన్వెన్షన్ సెంటర్‌లో ఘనంగా జరిగింది. నందమూరి కుటుంబ సభ్యులతో పాటు సినీ, రాజకీయ ప్రముఖులు కూడా ఈ వివాహ వేడుకకి వచ్చారు. బాలకృష్ణ, జూనియర్‌ ఎన్టీఆర్‌, నందమూరి మోక్షజ్ఞ, కళ్యాణ్ రామ్.. ఇలా నందమూరి కుటుంబంతో పాటు నారా కుటుంబసభ్యులు హాజరయ్యారు. ఈ వివాహ వేడుకలో చంద్రబాబు కూడా సందడి చేశారు. మంత్రి ఎర్రబెల్లి దయాకర రావు హాజరయ్యారు.
షేక్‌ హ్యాండ్‌ ఇష్యూ:
నందమూరి కుటుంబం అంతా ఓకే చోట కనపడి ఫొటోలకు ఫోజులు ఇవ్వడంతో ఫ్యాన్స్‌ ఖుషీ అవుతున్నారు. ఇదే సమయంలో జూనియర్‌ ఎన్టీఆర్‌, బాలకృష్ణ షేక్‌ హ్యాండ్‌ గురించి సోషల్‌మీడియాలో విపరీతంగా చర్చ జరుగుతోంది. వేడుకలో కుర్చిలో ఉన్న బాలకృష్ణ వద్దకు వెళ్లిన జూనియర్‌ ఎన్టీఆర్‌ అక్కడ ఉన్నవారితో పాటే బాలకృష్ణకు షేక్‌ హ్యాండ్‌ ఇచ్చారు. ఆ సమయంలో జూనియర్‌ నవ్వుతూనే కనిపించారు. అయితే సోషల్‌మీడియాలో మాత్రం కొంతమంది బాలకృష్ణ జూనియర్‌ని సరిగ్గా రిసీవ్ చేసుకోలేదని కామెంట్లు పెడుతున్నారు. ఆ వీడియో కూడా వెనక నుంచి రికార్డయింది. దీంతో అసలు నిజం ఏంటన్నది తెలియదు. కానీ జూనియర్‌ ఎక్స్‌ప్రెషన్‌ మాత్రం హ్యాపీగానే ఉన్నట్టు అనిపిస్తోంది.
జూనియర్‌ బాలయ్యను చాలా ప్రేమగానే పలకరించినట్టు క్లియర్‌గా కనిపిస్తోంది. ఇందులో ఏ డౌట్‌ ఎవరికి లేకున్నా.. బాలకృష్ణ రియాక్షన్‌ సరిగ్గా లేదంటూ కొంతమంది ప్రచారం చేస్తున్నారు. నిజానికి గతంలోనూ జూనియర్‌ ఎన్టీఆర్‌ విషయంలో బాలకృష్ణ ఇలానే ప్రవర్తించారన్న వార్తలు నెట్టింట చక్కర్లు కొట్టాయి. తారకరత్నకు నివాళులు అర్పించడానికి వచ్చిన జూనియర్‌.. బాలకృష్ణను చూసి నిలబడి నమస్కారం చేశారు. బాలయ్య మాత్రం చూసీచూడనట్లు వెళ్లిపోయారన్న ప్రచారం జరిగింది.. మరోసారి అదే జరిగిందా అని అభిమానులు చర్చించుకుంటున్నారు. ఈ ఫ్యాన్స్‌కి ఏం పనిపాటా ఉండదా అని మరికొందరు చిరాకుపడుతున్నారు. అటు సోషల్‌మీడియాలో నందమూరి ఫ్యామిలీకి సంబంధించిన ఫొటోలు తెగ వైరల్‌ అవుతున్నాయి.