Prabhas : ప్రభాస్ ఫ్యాన్స్ కు బ్యాడ్ న్యూస్.. మరింత ఆలస్యంగా డార్లింగ్ కొత్త సినిమా

Prabhas Spirit Movie : పాన్ ఇండియా హీరో ప్రభాస్‌ - సెన్సేషనల్ డైరెక్టర్ దర్శకుడు సందీప్‌ రెడ్డి వంగా కాంబినేషన్‌లో రూపొందుతున్న చిత్రం 'స్పిరిట్‌'. ఈ ప్రాజెక్ట్ కోసం డార్లింగ్ ఫ్యాన్స్ ఎంతో ఆసక్తిగా ఎదురుచూస్తున్నారు. ఇలాంటి తరుణంలో అభిమానులకు బ్యాడ్ న్యూస్ అంటూ ఓ వార్త ఫిలిం సర్కిల్స్ లో చక్కర్లు కొడుతోంది.

అదేంటంటే, ప్రభాస్ ‘స్పిరిట్‌’ సినిమా సెట్స్‌లోకి కాస్త ఆలస్యంగా అడుగుపెట్టనున్నారట. ఈ సినిమా చిత్రీకరణను ఈ ఏడాదే మొదలుపెట్టాలని అనుకున్నారు. కానీ కొన్ని కారణాల వల్ల రెగ్యులర్‌ షూటింగ్‌ వచ్చే ఏడాది జనవరిలో ప్రారంభం కానుందట. అంతేకాదు సినిమాను 2025 కు కాకుండా 2026 లో ప్రేక్షకుల ముందుకు తీసుకొచ్చేలా సన్నాహాలు జరుగుతున్నట్లు వార్తలు వినిపిస్తున్నాయి.

Also Read : రజినీకాంత్ ను కలిసిన ‘లై’ హీరోయిన్.. ఎందుకో తెలుసా?

ఇక ఈ న్యూస్ విన్న డార్లింగ్ ఫ్యాన్స్ తీవ్ర నిరాశకు లోనవుతున్నారు. కాగా స్పిరిట్ కంటే ముందు హను రాఘవపూడి సినిమాను పూర్తి చేయబోతున్నారట ప్రభాస్. రీసెంట్ గానే పూజా కార్యక్రమాలతో లాంఛనంగా ప్రారంభమైన ఈ మూవీ అతి త్వరలోనే రెగ్యులర్ షూటింగ్ ను జరుపుకోనుంది. పీరియాడికల్ బ్యాక్ డ్రాప్ లో రూపొందనున్న ఈ సినిమాకు 'ఫౌజీ' అనే టైటిల్ ప్రచారంలో ఉంది.