Cracked Legs: ఈ నూనె రాస్తే ఎలాంటి కాళ్ల పగుళ్లు అయినా పోవాల్సిందే

Cracked Legs: మొత్తం శరీరం బరువు పాదాలపై ఉంటుంది. అందుకే పాదాల సంరక్షణ చాలా ముఖ్యం. పొడి వాతావరణంలో మడమల పగుళ్ల సమస్య సాధారణం. మహిళల్లో ఎక్కువగా పాదాల పగుళ్ల సమస్య కనిపిస్తూ ఉంటుంది. తేమ లేకపోవడం, విటమిన్ లోపం, మధుమేహం, థైరాయిడ్, ఊబకాయం, 60 ఏళ్లు పైబడిన వారు మడమల పగుళ్ల సమస్యను ఎదుర్కోవాల్సి వస్తుంటుంది. నిరంతరం పగిలిన మడమల సమస్యతో బాధపడుతుంటే అది అది జన్యుపరమైన లేదా ఆరోగ్య కారణాల వల్ల కావచ్చని నిపుణులు అంటున్నారు.

పాదాల పగుళ్లకు కారణాలు:

• పాదాల పట్ల అజాగ్రత్తగా ఉండటం వల్ల మడమల పగుళ్ల సమస్య పెరుగుతుంది. చెప్పులు లేదా ఓపెన్ షూలను ఉపయోగించడం వల్ల కూడా మడమల పగుళ్లు ఏర్పడతాయి. చాలా సార్లు పాదాల మడమలలో లోతైన పగుళ్లు కారణంగా భరించలేని నొప్పిని ఎదుర్కోవలసి ఉంటుంది. మీ పాదాల చర్మం తరచుగా పొడిగా మారుతున్నా, పొడిబారినప్పుడు మడిమలు పగులుతాయి. పాదాల చర్మం శరీరంలోని మిగిలిన భాగాల కంటే గట్టిగా ఉంటుంది. శీతాకాలంలో తేమ కారణంగా మడమల పగుళ్లు ఏర్పడతాయి. శరీరంలో తేమ లేకపోవడం వల్ల కణాలు గట్టిపడతాయి. పాదాల్లో మృత కణాలు పెరుగుతాయి.

పగుళ్లకు చికిత్స:

• మీ చర్మానికి యవ్వనాన్ని, తాజాదనాన్ని తీసుకురావడానికి వారానికి ఒకసారి పాదాలకు ఇంట్లోనే చికిత్స చేసుకోవచ్చు. గోరువెచ్చని నీటిలో పాదాలను ఉంచడం వల్ల మడమల చర్మం మృదువుగా మారుతుంది. అంతేకాకుండా మృతకణాలను తొలగించడంలో సహాయపడుతుంది. ప్రతిరోజూ స్నానానికి ముందు పాదాలను స్వచ్ఛమైన బాదం నూనెతో మసాజ్ చేయాలని నిపుణులు అంటున్నారు.

క్రీమ్ ఉపయోగించండి:

• స్నానం చేసిన తర్వాత పాదాలు తడిగా ఉన్నప్పుడు క్రీమ్ ఉపయోగించాలి. ఇలా చేయడం వల్ల పాదాలపై తేమ ఉండదు. ఫుట్ క్రీమ్‌తో పాదాలను సర్క్యులర్ మోషన్‌లో తేలికగా మసాజ్ చేయాలని నిపుణులు అంటున్నారు. ఇలా చేస్తే పాదాలు మృదువుగా మారుతాయి. అంతేకాకుండా పగుళ్లు కూడా ఉండవని చెబుతున్నారు. పాదాల సమస్యలకు తేనె సహజ నివారణిగా పనిచేస్తుంది. తేనెలో యాంటీ బాక్టీరియల్, యాంటీ మైక్రోబియల్ లక్షణాలు ఉన్నాయి. ఇవి పగిలిన మడమలను శుభ్రం చేస్తాయి.

కొబ్బరి నూనె:

• మడమల పగుళ్లకు కొబ్బరి నూనె దివ్యౌషధంలా పనిచేస్తుంది. కొబ్బరి నూనెలో యాంటీ ఇన్‌ఫ్లమేటరీ, యాంటీ మైక్రోబయల్ లక్షణాలు ఉన్నాయి. ఇది చర్మం యొక్క తేమను నిర్వహించడంలో సహాయపడుతుంది. పొడి చర్మం చికిత్సకు కొబ్బరి నూనె బాగా పనిచేస్తుంది. మృత కణాలను తొలగించడంలోనూ సహాయపడుతుంది. రోజూ కొబ్బరి నూనె రాస్తే మడమల పగుళ్ల సమస్యను నివారించవచ్చు. అంతేకాకుండా పాదాల బాహ్య చర్మ కణజాలాన్ని కూడా బలపరుస్తుంది. రాత్రి పడుకునే ముందు కొబ్బరి నూనెతో చర్మాన్ని మసాజ్ చేయడం వల్ల ఉదయం పాదాలు మృదువుగా మారుతాయి.

ఇది కూడా చదవండి: కీటకాలు కుట్టిన చోట చర్మం ఎందుకు ఉబ్బుతుంది?

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.