Helicofter Crash: కుప్పకూలిన మరో హెలికాఫ్టర్ .. ఐదుగురి దుర్మరణం

Helicofter Crash: నేపాల్‌ లో గత కొంత కాలంగా తరచూ విమాన ప్రమాదాలు జరుగుతున్నాయి. ఖాట్మండులోని త్రిభువన్ అంతర్జాతీయ విమానాశ్రయంలో కొద్ది రోజుల క్రితం జరిగిన ప్రమాదం ఇంకా మరువకముందే తాజాగా మరో హెలికాఫ్టర్‌ ప్రమాదం జరిగింది. నేపాల్ రాజధాని ఖాట్మండు నుండి సియాఫ్రుబెన్సి కి వెళుతున్న ఓ హెలికాఫ్టర్ సువాకోట్ సమీపంలో కుప్పకూలిపోయింది

ఈ ప్రమాదంలో ఐదుగురు దుర్మరణం పాలయ్యారు. మృతులను చైనాకు చెందిన వారిగా అధికారులు గుర్తించారు. ఇటీవల త్రిభువన్ అంతర్జాతీయ విమానాశ్రయంలో టేకాఫ్ అయిన కొన్ని నిమిషాలకే విమానం కుప్పకూలి, 18 మంది మృతి చెందిన సంగతి తెలిసిందే.
రెండు వారాల వ్యవధిలోనే మరో ప్రమాదం చోటుచేసుకుంది. గత ఏడాది యతి ఎయిర్ లైన్స్ విమానం పొఖారా విమానాశ్రయం వద్ద కుప్పకూలింది. ఈ ప్రమాదంలో 72 మంది దుర్మరణం పాలయ్యారు. ఈ ప్రమాదం నేపాల్ చరిత్రలోనే మూడో అతి పెద్ద దుర్ఘటన అని అధికారులు తెలిపారు.

Also read: పతకం కాదు..మీరే నిజమైన ఛాంపియన్‌..వినేశ్‌కి అండగా టాలీవుడ్‌ సూపర్‌ స్టార్‌!