తిరుమలలో మరో బోనులో చిక్కింది. తాజాగా ఇవాళ ఉదయం తిరుమల శ్రీవారి సన్నిధిలో మరో చిరుత బోనులో చిక్కినట్లు అధికారులు తెలిపారు. మూడు రోజుల క్రితం బోనులో చిక్కిన చిరుతకు సమీపంలోనే ఈ చిరుత చిక్కింది. చిరుతను బంధించేందుకు అధికారులు మూడు ప్రాంతాల్లో బోనులు ఏర్పాటు చేశారు. మోకాలి మిట్ట, లక్ష్మీనరసింహస్వామి ఆలయం, 35వ మలుపు దగ్గర బోనులు ఏర్పాటు చేశారు. ఈ తరుణంలో లక్ష్మీనరసింహస్వామి ఆలయం దగ్గర బోనులో చిరుత చిక్ింది. దీంతో కొన్నిరోజుల వ్యవధిలోనే మూడు చిరుతలను ఫారెస్టు అధికారులు బంధించారు. బాలిక లక్షితపై దాడి చేసిన పరిసరాల్లోనే ఇటీవలే ఓ చిరుతను పట్టుకున్న అధికారులు జూకు తరలించారు. ఇప్పుడు మరో చిరుత చిక్కడంతో తిరుమల శ్రీవారం భక్తులు ఊపిరి పీల్చుకుంటున్నారు.