విశాఖలో టెన్షన్ వాతావరణం నెలకొంది. టైకూన్ జంక్షన్ మూసివేతపై నిరసన తెలిపిన నాదెండ్ల మనోహర్ ను పోలీసులు అరెస్ట్ చేశారు. ప్రజల కోసం నిరసన తెలిపితే అరెస్ట్ చేస్తారా? తక్షణమే వారిని విడుదల చేయాలని లేదంటే తాను విశాఖ బయల్దేరి వస్తాను అని జనసేనాని పవన్ హెచ్చరించారు.
ఏపీ రాజకీయాల్లో కీలక పరిణామం చోటుచేసుకోబోతుందని అన్నారు ఏపీ కాంగ్రెస్ ఛీఫ్ గిడుగు రుద్రరాజు. త్వరలో ఏపీ రాజకీయాల్లోకి వైఎస్ షర్మిల రాబోతున్నారని ఆయన పేర్కొన్నారు. ఏపీలో షర్మిలతో కలిసి పనిచేసేందుకు కాంగ్రెస్ సిద్ధంగా ఉందని అన్నారు.
తెలంగాణ అసెంబ్లీ ఎన్నికల్లో టీడీపీ వల్లే హైదరాబాద్ లో కాంగ్రెస్ ఓడిందని అన్నారు మాజీ మంత్రి బాలినేని. తెలంగాణలో టీడీపీ సపోర్ట్ కాంగ్రెస్కు, జనసేన సపోర్ట్ బీజేపీకి ఉందని అన్నారు. జగన్ మరోసారి సీఎం అవ్వడం ఖాయమని ధీమా వ్యక్తం చేశారు.
ప్రధాని మోదికి టీడీపీ ఛీఫ్ చంద్రబాబు లేఖ రాశారు. ఏపీలో తుఫాన్ కారణంగా నష్టపోయిన వారిని ఆదుకోవాలని లేఖలో పేర్కొన్నారు. దాదాపు 22 లక్షల ఎకరాల్లో పంటలు దెబ్బతిన్నాయని లేఖలో తెలిపారు.
పవన్ కళ్యాణ్ పై సెటైర్లు వేశారు ఏపీ ఐటీ మంత్రి అమర్నాథ్. తెలంగాణలో ఫలితాలు చూసి పవన్ కు మతి భ్రమించినట్టు కనిపిస్తుందని ఎద్దేవా చేశారు. అధికారికంగా బీజేపీతో అనధికారికంగా టీడీపీతో పవన్ సంబంధం పెట్టుకున్నారని అన్నారు.
జనసేనాని పవన్ కళ్యాణ్ సీఎం పదవిపై కీలక వ్యాఖ్యలు చేశారు. సీఎం ఎవరనేది చంద్రబాబు, తాను కూర్చొని నిర్ణయం తీసుకుంటామన్నారు. ఎక్కువ సీట్లు గెలిస్తే సీఎం పదవి అడగవచ్చు అని అన్నారు. 2024లో రాష్ట్ర భవిష్యత్తు కోసం టీడీపీతో కలిసి నడుస్తున్నట్లు తెలిపారు.
గురువారం మధ్యాహ్నం జనసేన అధినేత విశాఖపట్నానికి రానున్నారు. ఆళ్వార్ దాస్ గ్రౌండ్స్ లో జరిగే సభలో ఏపీలో మిచౌంగ్ సృష్టించిన బీభత్సం గురించి ఆయన ప్రసంగించనున్నారు.
మిచౌంగ్(మిగ్జామ్) తుపాను మరింత బలహీనపడనుంది. అయితే వర్షాలు తగ్గే చాన్స్ మాత్రం ఇప్పుడే లేదు. రానున్న 12-18 గంటల్లో ఛత్తీస్గఢ్, ఒడిశా, ఉత్తర ఆంధ్రప్రదేశ్లో కొన్ని చోట్ల వర్షాలు కురిసే అవకాశం ఉంది. 7 సెం.మీ నుంచి 11 సెం.మీ వరకు భారీ వర్షపాతం సంభవించవచ్చు.
మిచౌంగ్ తుపాను ఎఫెక్ట్ కారణంగా మరోసారి స్కూళ్లకు సెలవులు ప్రకటించారు అధికారులు. బాపట్ల, గుంటూరు, ఎన్టీఆర్, కృష్ణా, ఎన్టీఆర్, నెల్లూరు, తిరుపతి, శ్రీకాకుళం, ప్రకాశం, గుంటూరు, విశాఖపట్నం, వైఎస్ఆర్, అన్నమయ్య జిల్లాల్లో సెలవులు ఇస్తూ ప్రజలు అప్రమత్తంగా ఉండాలని సూచించారు.
/rtv/media/post_attachments/wp-content/uploads/2023/12/ycp-mla-son-resign-jpg.webp)
/rtv/media/post_attachments/wp-content/uploads/2023/12/pawan-2-jpg.webp)
/rtv/media/post_attachments/wp-content/uploads/2023/12/WhatsApp-Image-2023-12-10-at-5.50.17-PM-jpeg.webp)
/rtv/media/post_attachments/wp-content/uploads/2023/08/balineni-jpg.webp)
/rtv/media/post_attachments/wp-content/uploads/2023/12/CBN-MODI-jpg.webp)
/rtv/media/post_attachments/wp-content/uploads/2023/12/ap-it-minister-jpg.webp)
/rtv/media/post_attachments/wp-content/uploads/2023/11/pawan-cbn-jpg.webp)
/rtv/media/post_attachments/wp-content/uploads/2023/12/pawan-jpg.webp)
/rtv/media/post_attachments/wp-content/uploads/2023/12/ap-rains-jpg.webp)
/rtv/media/post_attachments/wp-content/uploads/2023/12/FotoJet-17-2-jpg.webp)
