TTD: తిరుమల భక్తులకు అదిరిపోయే శుభవార్త.. అన్న ప్రసాదంలో మరో ఐటెం.. ఏంటో తెలుసా?

తిరుమల వచ్చే భక్తులకు టీటీడీ మరో శుభవార్త చెప్పింది. ఇప్పటికే తరిగొండ వెంగమాంబ అన్నప్రసాద కేంద్రంలో భక్తులకు అందించే అన్నప్రసాదంలో మరో ఐటెంను పెంచింది. ఇప్పటివరకు అన్న ప్రసాదంలో పగలు మాత్రమే భక్తులకు వడలు అందించేవారు.

అయితే.. ఇకపై రాత్రి పూట నిర్వహించే అన్నప్రసాద పంపిణీలోనూ వడలు వడ్డించనున్నట్లు తెలిపింది. ప్రస్తుతం రోజుకు సుమారు 70 వేల నుండి 75 వేల వడలను ప్రత్యేకంగా తయారు చేసి భక్తులకు వడ్డిస్తున్నారు.

తాజా నిర్ణయంతో ఈ సంఖ్యను భారీగా పెంచనున్నారు. ప్రతీ రోజు ఉదయం 11 గంటల నుంచి రాత్రి 10 గంటల వరకు అన్నప్రసాదంలో భక్తులకు వడలు అందించనున్నారు.

నిన్న టీటీడీ చైర్మన్ బీఆర్ నాయుడు ఈ వడల పంపిణీ కార్యక్రమాన్ని బోర్డు సభ్యులు శాంతా రామ్, డిప్యూటీ ఈవో రాజేంద్ర, క్యాటరింగ్ ప్రత్యేక అధికారి శాస్త్రి, ఇతర అధికారులు పాల్గొన్నారు.