Tirumala: తిరుమల ఆలయంలో కోయిల్ ఆళ్వార్ తిరుమంజనం అంటే ఏంటో తెలుసా?-PHOTOS

ప్రతీ ఏటా నాలుగు సార్లు తిరుమల శ్రీవారి ఆలయంలో ఆళ్వార్ తిరుమంజనం నిర్వహిస్తారు. ఈ క్రమంలోనే నేడు నిర్వహించారు.

సెప్టెంబర్ 24 నుంచి శ్రీవారి సాలకట్ల బ్రహ్మోత్సవాల సందర్భంగా టీటీడీ ఆలయాన్ని శుద్ధి చేశారు. ఈ కార్యక్రమానికి టీటీడీ ఛైర్మన్ బీఆర్ నాయుడు, ఈవో అనిల్ సింఘాల్, పలువురు టీటీడీ బోర్డు సభ్యులు పాల్గొన్నారు.

ఆలయంలో ఎలాంటి దుమ్ము, ధూళి పడకుండా స్వామి వారి శిరస్సు నుంచి పాదాల వరకు ధవళవర్ణ వస్త్రాన్ని కప్పుతారు. ఆ తర్వాత శ్రీచూర్ణం, ముద్దకర్పూరం, గంధంపొడి, కుంకుమ, కిచిలిగడ్డ వంటి ఔషధాలతో గంగాజలాన్ని సిద్ధం చేసి వాటితో శుద్ధి చేస్తారు.

ఆలయాన్ని శుద్ధి చేసిన తర్వాత స్వామి వారి మూలవిరాట్టుకు కప్పిన వస్త్రాన్ని తొలగించి ప్రత్యేక పూజలు నిర్వహిస్తారు. కేవలం అర్చకులు మాత్రమే చేస్తారు. సాధారణ భక్తులకు ప్రవేశం కల్పించరు.

కోయిల్ ఆళ్వార్ తిరుమంజనం ఉగాది, ఆణివార ఆస్థానం, బ్రహ్మోత్సవం, వైకుంఠ ఏకాదశి సందర్భంగా మాత్రమే చేస్తారు. అయితే ఈ పర్వదినాల ముందుగా వచ్చే మంగళవారం మాత్రమే ఆలయాన్ని శుద్ధి చేస్తారని అర్చకులు చెబుతున్నారు.

ఈ కోయిల్‌ ఆళ్వార్‌ తిరుమంజనం నేపథ్యంలో టీటీడీ నేడు వీఐపీ బ్రేక్‌ దర్శనాలను రద్దు చేసింది. ఆలయ శుద్ధి తర్వాత భక్తులకు దర్శనం కల్పిస్తారు.