Ram Mohan Naidu : కేంద్ర‌మంత్రి రామ్మోహ‌న్‌నాయుడికి మరో కీల‌క ప‌ద‌వి

దేశం త‌ర‌ఫున త‌న‌కు ద‌క్కిన ఈ గౌర‌వాన్ని తాను మరింత బాధ్య‌త‌గా స్వీక‌రిస్తాన‌ని తెలిపారు. విమాన‌యాన రంగాన్ని సాధార‌ణ ప్ర‌జ‌ల‌కు మ‌రింత అందుబాటులోకి తేవ‌డంతో పాటు స‌భ్య‌దేశాల మ‌ధ్య రాక‌పోక‌ల‌ను మ‌రింత సుల‌భ‌త‌రం చేసేందుకు కృషి చేస్తాన‌ని తెలిపారు. రామ్మోహన్ నాయుడు గత మూడు ఎన్నికల్లో శ్రీకాకుళం నుంచి ఎంపీగా గెలిచి హ్యాట్రిక్ విజయాన్ని అందుకున్నారు.

ఈ నేపథ్యంలో ఈ సారి కుటమి ప్రభుత్వం అధికారంలోకి రావడం, అందులో టీడీపీ కీలకంగా మారడంతో ఆయనకు కేంద్ర మంత్రి పదవి దక్కింది. అత్యంత ముఖ్యమైన పౌర విమానయాన శాఖను ప్రధాని మోదీ రామ్మోహన్ నాయుడికి అప్పగించారు. తాజాగా ఆసియా ప‌సిఫిక్ స‌భ్య‌దేశాల ఛైర్మ‌న్‌గా ఆయన ఎన్నికయ్యారు. దీంతో ఆయన అనుచరులు, టీడీపీ శ్రేణులు, కుటుంబ సభ్యులు హర్షం వ్యక్తం చేస్తున్నారు. రామ్మోహన్ నాయుడు బాబాయి అయిన అచ్చెన్నాయుడు ఏపీ మంత్రిగా ఉన్న విషయం తెలిసిందే.