పిఠాపురంలో రెచ్చిపోయిన దొంగలు.. పెన్షన్ తీసుకుని వస్తున్న మహిళను ఆపి..

AP News: కాకినాడ జిల్లా పిఠాపురం జగ్గయ్య చెరువులో దోపిడీ దొంగలు రెచ్చిపోతున్నారు. పట్టపగలే వృద్ధురాలిపై దాడి చేసి పెన్షన్ డబ్బును ఓ దుండగుడు లాక్కెళ్లాడు. ఒకటో తేదీ వృద్ధాప్య పెన్షన్‌ తీసుకుని వస్తున్న గోపాలపు అనంత లక్ష్మీ అనే  వృద్ధురాలిపై దాడి చేసి రూ.4 వేల పెన్షన్ డబ్బు లాక్కొని పరారయ్యాడు. జగ్గయ్య చెరువు సచివాలయం నుంచి పెన్షన్ తీసుకుని రోడ్డు మీద నడుచుకుంటూ వెళ్తుండగా గొల్లపేటకు చెందిన అనంతలక్ష్మి దగ్గరికి వచ్చిన దుండగుడు.. మీ ఇంటి వైపే వెళ్తున్నానని, అక్కడ దించుతానంటూ నమ్మించి బైక్‌ ఎక్కించుకున్నాడు. 

డబ్బులు తీసుకుని బైక్ మీద నుంచి కిందకి తోసేశాడు:

ఇంటి దగ్గర ఆపకుండా ఎంపీడీవో కార్యాలయం వెనుక వీధిలో ఎవరూ లేని ప్రాంతంలో బైక్ మీద నుంచి కిందకి తోసేశాడు. ఆమె దగ్గర ఉన్న రూ.4 వేలు లాక్కుకుని అక్కడి నుంచి ఉడాయించాడు. వృద్ధురాలు వెంబడించి పట్టుకునే ప్రయత్నం చేసినా దొంగ చిక్కలేదు. దీంతో పోలీసులకు ఫిర్యాదు చేసింది. కేసు నమోదు చేసి సీసీ కెమెరాలో రికార్డ్ అయిన దృశ్యాల ఆధారంగా పిఠాపురం టౌన్‌ పోలీసులు దర్యాప్తు చేపట్టారు.

ఇది కూడా చదవండి:  ఈ టీ తాగితే గుట్టలాంటి పొట్టైనా ఇట్టే కరిగిపోద్ది