/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/07/FotoJet-45-4.jpg)
Amitabh Bachchan About Kalki Movie Success : పాన్ ఇండియా హీరో ప్రభాస్ నటించిన 'కల్కి 2898AD' మూవీ ప్రస్తుతం బాక్సాఫీస్‌ వద్ద కాసుల వర్షాన్ని కురిపిస్తోంది. జూన్ 27 న రిలీజైన ఈ సినిమా తాజాగా మరో రికార్డును సొంతం చేసుకుంది. ఇటీవలే ప్రపంచవ్యాప్తంగా రూ.1000 కోట్ల గ్రాస్‌ వసూలు చేసిన భారతీయ చిత్రంగా రికార్డు సృష్టించింది. ఈ విషయాన్ని చిత్ర బృందం అధికారికంగా ప్రకటించింది.
కాగా సినిమాలో అశ్వద్ధామ పాత్ర పోషించిన బాలీవుడ్ బిగ్ బి అమితాబ్ బచ్చన్ పంచవ్యాప్తంగా తమ చిత్రానికి వస్తోన్న విశేష స్పందనపై ఆనందం వ్యక్తంచేశారు. ఈ సందర్భంగా 'కల్కి' ఘన విజయంలో భాగమైన వారందరికీ ధన్యవాదాలు చెప్పారు. అంతేకాకుండా ఇలాంటి సక్సెస్‌లు ప్రభాస్‌కు రొటీన్‌గా మారాయని.. ఇటీవల కాలంలో ఆయన నటించిన చాలా చిత్రాలు రూ.1000 కోట్ల క్లబ్‌లోకి వచ్చాయని తెలిపారు.
Also Read : తలపతి విజయ్ తో రంభ ఫ్యామిలీ.. ఫోటోలు వైరల్, ఈ సడెన్ సర్ప్రైజ్ వెనక కారణం అదేనా?
" నా వరకూ ఇలాంటి గొప్ప చిత్రంలో భాగమైనందుకు ఆనందిస్తున్నా. ఈ చిత్రాన్ని నేను ఎంతగా ఎంజాయ్‌ చేశానో చెప్పడానికి మాటలు చాలడం లేదు. ఇప్పటికే నాలుగుసార్లు సినిమా చూశా. సినిమా చూసిన ప్రతిసారీ ఏదోఒక కొత్త విషయాన్ని తెలుసుకుంటూనే ఉన్నా" అంటూ పేర్కొన్నారు. వైజయంతీ మూవీస్ బ్యానర్ పై అశ్వినీదత్ నిర్మించిన ఈ సినిమాలో దీపికా పదుకొనె, కమల్ హాసన్, విజయ్ దేవరకొండ, దుల్కర్‌ సల్మాన్‌ కీలక పాత్రల్లో కనిపించారు.