Pushpa 2: రిలీజ్ కు ముందే.. బుక్ మై షోలో పుష్ప 2 రికార్డు

Pushpa 2: ప్రస్తుతం సినీ ఇండస్ట్రీలో పాన్ ఇండియా హవా ఎక్కువగా నడుస్తుంది. వాటిలో ఒకటి అల్లుఅర్జున్ (Allu Arjun) పుష్ప 2. ఈ సినిమా కోసం అభిమానులు ఆసక్తిగా ఎదురుచూస్తున్నారు. 2021 లో రిలీజైన 'పుష్ప ది రైజ్' వందల కోట్ల వసూళ్లు చేసి బాక్స్ ఆఫీస్ వద్ద సత్తా చాటింది. పార్ట్ 1 బ్లాక్ బస్టర్ కావడంతో.. దానికి సీక్వెల్ గా తెరకెక్కుతున్న పుష్ప 2 పై ప్రేక్షకుల్లో భారీ అంచనాలు పెరిగిపోయాయి. ఇప్పటికే ఈ సినిమా నుంచి వచ్చిన గ్లింప్స్ కు అదిరిపోయే రెస్పాన్స్ వచ్చిన సంగతి తెలిసిందే.

పుష్ప 2

క్రియేటివ్ డైరెక్టర్ సుకుమార్ (Sukumar) ఐకాన్ స్టార్ అల్లు అర్జున్ దర్శకత్వంలో రాబోతున్న ఈ చిత్రం 2024 ఆగస్టు 15 న విడుదల కానున్నట్లు మేకర్స్ అనౌన్స్ చేశారు. రిలీజ్ కు ముందే పుష్ప 2 పై సోషల్ మీడియాలో విపరీతమైన బజ్ మొదలైంది. ఇటీవలే ప్రముఖ ఓటీటీ సంస్థ నెట్ ఫ్లిక్స్ రిలీజ్ కు ముందే ఈ సినిమా ఓటీటీ స్ట్రీమింగ్ హక్కులను దక్కించుకుంది. దాదాపు 100 కోట్ల బడ్జెట్ తో సొంతం చేసుకున్నట్లు సమాచారం. దీంతో ఈ సినిమాకు మరింత క్రేజ్ పెరిగింది.

Also Read: మెగా హీరో “మట్కా”… వరుణ్ తేజ్ మాస్ లుక్.. మామూలుగా లేదు..!

పుష్ప 2 బుక్ మై షో రికార్డు

ఇక తాజాగా ఈ సినిమా బుక్ మై షోలో కూడా అదిరిపోయే రికార్డు క్రియేట్ చేసింది. పుష్ప ది రూల్' ఆగస్టు 15 న రిలీజ్ కానున్న నేపథ్యంలో బుక్ మై షో సినిమా పై ప్రేక్షకుల ఇంట్రెస్ట్ తెలుసుకోవడానికి ఒక పోల్ నిర్వహించగా.. 150K పైగా ఇంట్రెస్టులు వచ్చాయి. అంటే లక్ష యాభై వేల మంది ఆసక్తిని ఈ సినిమా పొందింది. రిలీజ్ కు ఏడు నెలల ముందే ఇంత పెద్ద మార్క్.. చేరుకొని రికార్డును నమోదు చేసింది ఈ చిత్రం. దీంతో బన్నీ అభిమానులు ఫుల్ ఖుషీ అవుతున్నారు.

Also Read: Rashmika Deep FakeVideo: రష్మిక డీప్ ఫేక్ వీడియో నిందితుడిని.. అరెస్ట్ చేసిన పోలీసులు