Adani Group : అదానీ గ్రూప్ అప్పులు ఎంతో తెలుసా? ఏ బ్యాంకులు ఎంత ఇచ్చాయంటే.. 

Adani Group Liabilities : భారత్‌ (India) లో అత్యంత రుణగ్రస్తులైన కంపెనీల్లో అదానీ గ్రూప్‌ (Adani Group) ఒకటి. హెచ్ డీఎఫ్ సీ, రిలయన్స్ తదితర కంపెనీలు ఎక్కువ రుణాలు తీసుకున్నాయి. వ్యాపార విస్తరణకు కొత్త పెట్టుబడులు అవసరం కాబట్టి పెద్ద సంస్థలకు రుణాలు తప్పనిసరి. అదానీ గ్రూప్ పదికి పైగా కంపెనీలను కలిగి ఉంది.  వివిధ రంగాలలో వ్యాపారాన్ని కలిగి ఉంది. ప్రత్యర్థి సంస్థలను కొనుగోలు చేయడం, వ్యాపారాన్ని విస్తరించడం మొదలైన వాటిలో ఇది నిరంతరం పెట్టుబడి పెడుతుంది. అదేవిధంగా 2023-24 ఆర్థిక సంవత్సరానికి అదానీ గ్రూప్ మొత్తం అప్పు రూ.2.41 లక్షల కోట్లుగా ఉంది. గతేడాదితో పోలిస్తే అప్పులు స్వల్పంగా పెరిగాయి. కానీ నికర రుణం రూ.1.87 లక్షల కోట్ల నుంచి రూ.1.82 లక్షల కోట్లకు తగ్గింది.

2019-20 ఆర్థిక సంవత్సరంలో అదానీ గ్రూప్ మొత్తం అప్పు రూ. 1.18 లక్షల కోట్లు. ఇప్పుడు రూ.2.41 లక్షల కోట్లకు పెరిగింది. అంటే నాలుగేళ్లలో అప్పులు రెట్టింపు అయ్యాయి.

అదానీ గ్రూప్ లోన్స్ ఎక్కడి నుంచి?

• భారతదేశంలోని బ్యాంకులు.. ఆర్థిక సంస్థల నుండి: 36 శాతం
• భారతదేశ క్యాపిటల్ మార్కెట్ల నుండి: 5  శాతం
• గ్లోబల్ క్యాపిటల్ మార్కెట్ల నుండి: 29 శాతం 

అదానీ గ్రూపునకు చెందిన వివిధ కంపెనీలకు రుణాలు ఇచ్చిన భారతీయ బ్యాంకుల్లో ఎస్‌బిఐ, ఐసిఐసిఐ బ్యాంక్, యాక్సిస్ బ్యాంక్, యెస్ బ్యాంక్, ఇండస్‌ఇండ్ బ్యాంక్, ఐడిఎఫ్‌సి ఫస్ట్ బ్యాంక్, బ్యాంక్ ఆఫ్ ఇండియా, ఆర్‌బిఎల్ బ్యాంక్, సెంట్రల్ బ్యాంక్ ఆఫ్ ఇండియా, యూనియన్ బ్యాంక్ ఉన్నాయి. REC, IDBI బ్యాంకులు కూడా అదానీ గ్రూపుకు అప్పులు ఇచ్చాయి. ఈ బ్యాంకులు అదానీ గ్రూపునకు రూ.75,000 కోట్లకు పైగా రుణాలు ఇచ్చాయి.

ముఖ్యంగా స్టేట్ బ్యాంక్ ఆఫ్ ఇండియా (SBI) రూ.27,000 కోట్ల రుణాన్ని అందించింది. యాక్సిస్ బ్యాంక్ దాదాపు రూ.10,000 కోట్ల రుణం ఇచ్చింది. అదానీ గ్రూపునకు ఎల్‌ఐసీ రుణం రూ.5,790 కోట్లు. ఇది కాకుండా, ఎల్‌ఐసి తన వివిధ కంపెనీల షేర్లపై పెట్టిన పెట్టుబడి 30,000 కోట్ల రూపాయలకు పైగా ఉంది.

Also Read : నేడు తెలంగాణకు సీఎం రేవంత్ రెడ్డి