Srikanth: హీరోయిన్లతో ఎఫైర్స్ పై శ్రీకాంత్ ను నిలదీసిన డైరెక్టర్.. ఊహ డివోర్స్ అడిగింది నిజమేనా!

Actor Srikanth : టాలీవుడ్ సీనియర్ నటుడు శ్రీకాంత్ పలువురు హీరోయిన్లతో అక్రమ (Affair) సంబంధం ఉందనే వార్తలపై స్పందించారు. తొంబైలో స్టార్ హీరోగా వెలుగు వెలిగిన శ్రీకాంత్ అప్పట్లో పట్టిందల్లా బంగారమే అయింది. బ్యాక్ టూ బ్యాక్ ఫ్యామిలీ స్టోరీలతో ప్రేక్షకులను అలరించగా.. ఆయనతో నటించేందుకు స్టార్ హీరోయిన్లు క్యూ కట్టారు. ముఖ్యంగా స్నేహా- శ్రీకాంత్ జోడీ సూపర్ హిట్ టాక్ అందుకోగా వీరిద్దరి కలయికలో చాలా సినిమాలొచ్చాయి. అయితే కొంతకాలానికి శ్రీకాంత్- స్నేహకు మంచి రిలేషన్ ఏర్పడగా.. ఇద్దరూ ప్రేమలో పడ్డారంటూ వార్తలొచ్చాయి. అంతేకాదు ఈ నటుల మధ్య అక్రమ సంబంధం కూడా ఉందని, శ్రీకాంత్ భార్య, నటి ఊహ విడాకులు తీసుకునేందుకు సిద్ధమైందంటూ ఇండస్ట్రీలో పెద్ద ఎత్తున చర్చ నడిచింది. అయితే సెకండ్ ఇన్నింగ్స్ లో వరుస సినిమాల్లో సైడ్ క్యారెక్ట్స్ చేస్తూ దూసుకుపోతున్న శ్రీకాంత్ రీసెంట్ గా ఓ ఇంటర్వ్యూలో ఎఫైర్స్ ఇష్యూ గురించి ఓపెన్ అయ్యారు.

ఈ మేరకు ప్రముఖ దర్శకుడు.. శ్రీకాంత్ తో ఇటీవల నిర్వహించిన ఇంటర్వ్యూలో ఆసక్తికర విషయాల గురించి చర్చించారు. సినిమా హీరోలంటే హీరోయిన్లతో ఎఫైర్లు ఉంటాయని అంటారు కదా. పెళ్లికి ముందు నీకు ఎంతమందితో ఎఫైర్ ఉంది? అని దర్శకుడు అడిగారు. దీంతో వెంటనే షాక్ అయిన శ్రీకాంత్.. నాకు ఎంతమందితో ఎఫైర్ ఉందో మీకు తెలియదా. హీరోని చేసింది మీరే కదా. బయట ఎవరో ఏదో రాసింది అడిగితే కాదు. మీ దృష్టికి ఎప్పుడైనా వచ్చిందా చెప్పండి' అంటూ అతన్నే అడిగాడు. దీంతో 'నాకు సంబంధం లేదు. నువ్ మంచివాడినే అనుకున్నా. కానీ బయట అనుకుంటున్నారు కదా! దీనిపై మీరేమంటారు? అని ప్రశ్నించారు. 'వాళ్లేదో అనుకుంటే నాకు సంబంధం లేదు. మొన్న రాశీ నేను ఏదో ఫంక్షన్‌కు వెళ్తే ఏదేదో అనుకున్నారు. నేను అవన్నీ పట్టించుకోనని చెప్పారు.

ఇది కూడా చదవండి : Nagababu Vs RGV: ఆర్జీవీని పెగ్గేసి పడుకోమన్న నాగబాబు.. అన్నదమ్ములు అడుక్కు తింటున్నారంటూ వర్మ కౌంటర్

అలాగే స్నేహ (Sneha)తో రిలేషన్ గురించి వివరణ ఇవ్వాలని కోరిన దర్శకుడు.. నిన్ను స్నేహా పిచ్చకొట్టుడు కొడుతుంది ఏందుకో చెప్పాలని కోరాడు. 'మేం ఇద్దరం ఓ ఫంక్షన్‌లో చాలా ఏళ్ల తర్వాత కలిశాం. అక్కడికి వచ్చిన ఈ హీరోయిన్‌ రాశీని చూసి రాశి అమ్మా అని అంది. నాకు నవ్వు వచ్చింది. అప్పుడే అమ్మని చేసేశారా అని. నేను కూడా రాశి అమ్మా అని అన్నాను. దానికి ఆమె సరదాగా కొట్టింది. అంతకుమించి ఏం లేదు. చాలా ఏళ్లు పగలూ రాత్రుళ్లు షూటింగ్ చేశాను. కానీ, ఇలాంటి స్ట్రగుల్ నా జీవితంలోనే పడలేదు. నాకు ఆ ధ్యాస ఎఫైర్స్‌పై లేదని శ్రీకాంత్ వివరించారు. అలాగే ఈ ఎఫైర్ పుకార్ల కారణంగా ఊహ తనను విడాకులు కోరిందని, టీవీలలో బ్రేకింగ్‌లు చూసి ఇద్దరూ షాక్ అయినట్లు తెలిపారు శ్రీకాంత్. చివరగా తాను నటించిన వాళ్లలో సౌందర్య, రాశీతోపాటు చాలామందితో కంఫర్ట్‌గా ఉండేదని, ఇప్పటికీ చాలామంది కోస్టార్స్ తన ఇంటికి వస్తుంటారంటూ చెప్పుకొచ్చారు. ప్రస్తుతం ఇందుకు సంబంధించిన వీడియో వైరల్ అవుతుండగా ఫ్యాన్స్ రకరకాలుగా కామెంట్స్ చేస్తున్నారు.