Kuala Lumpur: కౌలాలంపూర్‌లో మురుగు కాల్వలో పడి కుప్పం మహిళ గల్లంతు!

Kuala Lumpur: మలేషియా రాజధాని కౌలాలంపూర్‌ లో మురుగు కాల్వలో పడి తెలుగు మహిళ గల్లంతయ్యింది. ప్రమాదవశాత్తు ఫుట్‌పాత్‌ కుంగి మురుగుకాల్వలో పడిపోవడం వల్ల ఈ ప్రమాదం జరిగింది. గల్లంతైన మహిళను చిత్తూరు జిల్లా కుప్పానికి చెందిన విజయలక్ష్మిగా గుర్తించారు.

అనిమిగామిప‌ల్లెకు చెందిన విజ‌య‌ల‌క్ష్మి త‌న భ‌ర్త‌, కుమారుడితో క‌లిసి కౌలాలంపూర్‌లో పూస‌ల వ్యాపారం చేస్తూ జీవిస్తున్నారు.

ఈ క్ర‌మంలో తాజాగా వీరు వెళ్తున్న మార్గంలో ఫుట్‌పాత్ కుంగ‌డంతో విజ‌య‌ల‌క్ష్మి ఒక్కసారిగా మురుగు కాల్వలో పడి గ‌ల్లంతైంది. అదృష్ట‌వ‌శాత్తూ ఆమె భ‌ర్త‌, కుమారుడు ఈ ప్ర‌మాదం నుంచి త‌ప్పించుకున్నారు. ప్ర‌మాదం గురించి స‌మాచారం అందుకున్న మ‌లేషియా అధికారులు గ‌ల్లంతైన మ‌హిళ కోసం గాలిస్తున్నారు.

ఈ ప్రమాద విష‌యం స్థానిక ఎమ్మెల్సీ శ్రీకాంత్‌కు తెలియ‌డంతో బాధిత కుటుంబ స‌భ్యుల‌ను ఫోన్‌ ద్వారా పరామర్శించారు. అలాగే విష‌యాన్ని స్థానిక నేత‌ల‌తో క‌లిసి ముఖ్య‌మంత్రి చంద్ర‌బాబు నాయుడు దృష్టికి తీసుకుని వెళ్లారు.

Also Read: తెలంగాణలో నాలుగు రోజుల పాటు వానలే..వానలు..ఆ జిల్లాలకు..!