Year End 2023 : ఒక వ్యక్తి ఈ ఏడాది స్విగ్గీ నుంచి ఆర్డర్ చేసిన డబ్బుతో డబుల్ బెడ్రూం కొనచ్చట.. ఎలానో తెలుసా?

Online Food Orders : ఆన్‌లైన్‌లో ఫుడ్ ఆర్డర్ చేసే ట్రెండ్ మెట్రో నగరాలకే పరిమితం కాదు. చిన్న నగరాల ప్రజలు కూడా ఇందులో చేరారు. చాలా మంది ఆహారం కోసం ఆన్‌లైన్ ఫుడ్ డెలివరీపై పూర్తిగా ఆధారపడుతున్నారు. Swiggy తన వార్షిక నివేదికలో అనేక ఆశ్చర్యకరమైన విషయాలను పంచుకుంది. ముంబైకి చెందిన ఒక వ్యక్తి 2023 సంవత్సరంలో ఆహారం కోసం స్విగ్గీలో ఎంత ఆర్డర్ చేశాడో తెలుస్తే మీరు షాక్ అవుతారు. ఆ మొత్తంతో మీరు మీ కోసం 2 BHK ఫ్లాట్‌ని కొనుగోలు చేయవచ్చు. ఆశ్చర్యపోకండి..ఇది నిజం.ఈ విషయాన్ని స్వయంగా స్విగ్గీనే పేర్కొంది. ముంబైకి చెందిన ఈ వ్యక్తి 2023లో స్విగ్గీ నుండి రూ. 42.3 లక్షల విలువైన ఆహారాన్ని ఆర్డర్ చేశాడట. ఈ మొత్తంతో ఢిల్లీ-NCRలో 2 BHK ఫ్లాట్‌ను కొనుగోలు చేయవచ్చని తెలిపింది.

2023లో ఇండియా స్విగ్గీ' పేరు పెట్టబడిన ఈ జాబితాను ఉటంకిస్తూ(How India Swiggy 2023లో), కంపెనీ ఇలా పేర్కొంది. ఈ సంవత్సరం ఒక్క వినియోగదారు ఫుడ్ ఆర్డర్‌ల కోసం రూ. 42.3 లక్షలు ఖర్చు చేశాడు. అయితే, భద్రతా కారణాలు, గోప్యతను దృష్టిలో ఉంచుకుని ఆ వ్యక్తికి సంబంధించిన వివరాలను కంపెనీ వెల్లడించలేదు. ఫుడ్ డెలివరీ యాప్‌లో వరుసగా 8వ సంవత్సరం కూడా బిర్యానీ టాప్ ప్లేస్ లో నిలిచింది.

హైదరాబాద్ ప్రజలు అత్యధికంగా బిర్యానీని ఆర్డర్ చేసారు:
ఆన్‌లైన్ ఫుడ్ డెలివరీ(Online Food Orders) సర్వీస్ కంపెనీ వరుసగా 8వ సంవత్సరం ఆర్డర్ చేసిన వంటలలో బిర్యానీ అగ్రస్థానంలో ఉందని తెలిపింది. బిర్యానీలలో కూడా, చికెన్ బిర్యానీ ఎక్కువగా ఆర్డర్ చేశారట. ప్రతి 5.5 చికెన్ బిర్యానీ(Chicken Biryani) నిష్పత్తిలో, ఒక వెజ్ బిర్యానీ ఆర్డర్ చేసినట్లు తెలిపింది. హైదరాబాద్ ప్రజలు బిర్యానీ ప్రియులు. ప్రతి ఆరో బిర్యానీ హైదరాబాద్ నుంచి ఆర్డర్ చేసినట్లు స్విగ్గీ తన రిపోర్టులో పేర్కొంది. హైదరాబాదీ బిర్యానీ మొత్తం దేశంలోనే కాకుండా విదేశాలలో కూడా ప్రసిద్ధి చెందిన సంగతి తెలిసిందే.

బెంగళూరు వాసులు కేక్‌ను ఆర్డర్ చేశారట:
స్విగ్గీ ప్రకారం, కేక్‌లను ఆర్డర్ చేయడంలో బెంగళూరు నంబర్ 1 దేశంగా ఉంది. గులాబ్ జామూన్, కేక్, పిజ్జాలకు కూడా ఈ ఏడాది అత్యధిక డిమాండ్ ఉంది. ఐటీ సిటీ బెంగళూరును కంపెనీ 'కేక్ క్యాపిటల్'గా పేర్కొంది. ఈ నగరం నుండి ఏడాది పొడవునా 85 లక్షల చాక్లెట్ కేక్ ఆర్డర్‌లు అందాయి. కాబట్టి హోదా ఇవ్వబడింది. వాలెంటైన్స్ డే సందర్భంగా కంపెనీకి నిమిషానికి 271 కేకుల చొప్పున ఆర్డర్లు వచ్చాయి. దుర్గాపూజ సమయంలో గులాబ్ జామూన్‌కు అత్యధిక డిమాండ్‌ ఉంటుందని కంపెనీ తన నివేదికలో వెల్లడించింది.

ఇది కూడా చదవండి: రోజుకు రూ. 100 జమ చేయండి..మీరు రిటైర్మెంట్ అయ్యే వరకు రూ. 1కోటి మీ చేతిలో ఉంటుంది…!!