Rape Case : బాలికను రేప్ చేసి.. ఇనుప రాడ్డుతో ముఖంపై పేరు రాసి దారుణం!

Crime : మరో కామాంధుడు(Lustful) రెచ్చిపోయాడు. అభం శుభం తెలియని బాలికను ప్రేమిస్తున్నానంటూ వెంటపడి చివరికి దారుణానికి పాల్పడ్డాడు. మైనర్ బాలిక(Minor Girl) ను మూడురోజులు బంధించి అత్యాచారం చేసిన దారుణమైన సంఘటన ఘటన ఉత్తరప్రదేశ్‌లోని లఖింపూర్‌ఖేరీ జిల్లాలో చోటు చేసుకుంది.

ఇనుప రాడ్డుతో బాలిక ముఖంపై పేరు..

ఈ మేరకు పోలీసులు తెలిపిన వివరాల ప్రకారం.. లఖింపూర్‌ఖేరీ జిల్లా కేంద్రంలో స్థానికంగా ఉంటున్న అమన్‌(22) అనే యువకుడు పెళ్లి చేసుకుంటానని ఓ బాలిక వెంట పడ్డాడు. ఆమె తిరస్కరించడంతో ఆగ్రహానికి లోనైన నిందితుడు.. ఆమెను బంధించి లైంగిక వేధింపు(Sexual Assault) లకు పాల్పడ్డాడు. అంతటితో ఆగకుండా కాల్చిన ఇనుప రాడ్డుతో బాలిక ముఖంపై తన పేరు రాశాడు. చివరికి అతనిబారినుంచి తప్పించుకున్న బాలిక అపస్మారక స్థితిలో ఉండగా గమనించి స్థానికులు ఆసుపత్రిలో చేర్పించారు. బాధితురాలి కుటుంబ సభ్యుల ఫిర్యాదుతో నిందితుడిని అదుపులోకి తీసుకొని పోక్సో చట్టం కింద కేసు నమోదు చేసినట్లు పోలీసులు తెలిపారు.

ఇది కూడా చదవండి: Dokka MVP: దురాశ దుఃఖానికి చేటు.. నేను టీడీపీ అధిష్టానానికి కట్టుబడి పనిచేస్తా!