Road Accident: అదుపుతప్పి బోల్తా పడిన బొలేరో..15 మంది ప్రయాణికులు..!

Ap Road Accident: ప్రకాశం జిల్లాలో ఘోర రోడ్డు ప్రమాదం జరిగింది. దోర్నాల మండలం చిన్నారుట్ల చెంచుగూడెంలో సమీపంలో బొలెరో వాహనం అదుపుతప్పి బోల్తా పడింది. ఈ ఘటనలో 15 మందికి తీవ్ర గాయాలయ్యాయి. సమాచారం అందుకున్న 108 సిబ్బంది.. క్షతగాత్రులను చికిత్స కోసం సున్నిపెంట ప్రభుత్వ వైద్యశాలకు తరలించారు. అక్కడ వైద్యులు గాయపడిన వారికి చికిత్స అందిస్తున్నారు.

క్షతగాత్రులను కర్నూలు జిల్లా కోడుమూరు మండలం పేలకుర్తి గ్రామానికి చెందిన వారిగా పోలీసులు గుర్తించారు. 25 మంది భక్తులు బుధవారం రాత్రి రెండు బొలెరో వాహనాల్లో శ్రీశైలం భ్రమరాంబ మల్లికార్జున స్వామి దర్శనం కోసం బయల్దేరారు. శ్రీశైలానికి 15 కిమీ దూరంలో ఉండగా.. చెంచుగూడెంలో సమీపంలో బొలెరో బోల్తా పడింది. స్థానికుల సమాచారంతో 108 సిబ్బంది.. గాయపడిన వారిని ఆస్పత్రికి తరలించారు. ఈ ఘటనపై పోలీసులు కేసు నమోదు చేసుకున్నారు.

Also read: ఇంట్లో ఈ వంటలు చేస్తున్నారా అయితే డేంజరే అంటున్న ఐసీఎంఆర్!