బోధన్‌లో దొంగల బీభత్సం..ఫ్రిడ్జ్‌లోని టమాటాలు కూడా వదలలే

నిజామాబాద్‌ జిల్లా బోధన్‌ పట్టణంలో తాళం వేసిన ఇంట్లో దొంగలు పడ్డారు. నగదు, ఆభరణాలతోపాటు ఫ్రిడ్జ్‌లోని కిలో టమాటాలు కూడా ఎత్తుకుపోవడం అందరిని విస్మయానికి గురి చేసింది. పట్టణంలోని గౌడ్స్‌కాలనీకి చెందిన మున్సిపల్‌ ఉద్యోగి రఫీ కుటుంబం సోమవారం సాయంత్రం ఇంటికి తాళం వేసి సిద్దిపేటలోని బంధువుల ఇంటికి వెళ్లారు. తెల్లవారుజామున తిరిగొచ్చి చూసేసరికి ఇంటి తాళం ధ్వంసం చేసి ఉంది. లోనికి వెళ్లి చూడగా బీరువాలోని రూ.1.28 లక్షల నగదు, 12 తులాల బంగారు ఆభరణాలు కనిపించలేదు. ఫ్రిడ్జ్‌ తెరిచి ఉండటంతో అందులో పరిశీలించగా కిలో టమాటాలు కూడా ఎత్తుకుపోయినట్లు గుర్తించారు. బాధితుడు రఫీ పోలీసులకు ఫిర్యాదు చేశారు. ఎస్సై పీటర్‌, క్లూస్‌ టీం ఘటనా స్థలానికి చేరుకొని వివరాలు సేకరించారు.

ఫ్రిడ్జ్‌లోని కిలో టమాటాలు చోరీ

టమాటాల ధరలు ఆకాశన్నటంతో ప్రజలు గగ్గోలు పెడుతున్నారు. హోల్‌సేల్ మార్కెట్‌లో కిలో టమాటా ధర రూ. 170 పలుకుతుండగా.. రిటైల్‌గా రూ. 200 పైనే ఉంది. ఈ నేపథ్యంలో చిత్రి విచిత్ర ఘటనలు చోటు చేసుకుంటున్నాయి. ఎన్నడూ లేని విధంగా దొంగలు టమాటాలను కూడా చోరీ చేస్తున్నారు. గతకొన్ని రోజులుగా కూరగాయల ధరలు మండిపోతున్నాయి. ఇక టమాటా పేరెత్తేందుకు నోట మాట రావటం లేదు. కొన్ని రాష్ట్రాల్లో కిలో టమాటా రూ.200కు చేరడంతో సామాన్యులు జేబులకు చిల్లులు పడుతున్నాయి. ఈ క్రమంలో కొన్ని చిత్ర విచిత్ర ఘటనలు చోటు చేసుకుంటున్నాయి. కొందరు దొంగలు టమాటాలు కూడా చోరీ చేస్తున్నారు. తాజాగా నిజామాబాద్ జిల్లా భోదన్ పట్టణంలో ఓ దొంగ బీరువాలోని నగలు, నగదుతో పాటు ఫ్రిడ్జ్‌లో ఉంచిన కేజీ టమాటాలను సైతం చోరీ చేశాడు. ఈ ఘటన బాధితుడితో పాటు స్థానికులను విస్మయానికి గురి చేసింది.

క్లూస్‌ టీం ద్వారా తనిఖీలు
దీంతో బాధితుడు లబోదిబోమంటూ పోలీసులను ఆశ్రయించాడు. కేసు నమోదు చేసుకున్న పోలీసులు.. క్లూస్‌ టీం ద్వారా ఆధారాలు సేకరించారు. అయితే ఈ చోరీ ఘటన తెలిసి స్థానికులు విస్మయానికి గురవుతున్నారు. టమాటాలు కూడా వదలకుండా ఎత్తుకెళ్లిపోటవం పట్ల పలు రకాలుగా స్పందిస్తున్నారు. వీడెవడో బాధ్యత గల దొంగ అయి ఉంటాడని సెటైర్లు వేస్తున్నారు. మెుత్తానికి దొంగ చేసిన పని నవ్వు
తెప్పించినా.. పాపం బాధితుడు నగలు, నగదు పోగొట్టుకున్నాడు.

వరసగా టమాటాలు చోరీ 

ఇదిలాంటే గతవారం కర్ణాటకలో ఓ మహిళా రైతు పొలంలో రూ.2.5 లక్షల విలువైన టమాటాలను దొంగలు ఎత్తుకెళ్లిన ఘటన కూడా మనం చూశాం. మహబూబాబాద్ జిల్లా డోర్నకల్ పట్టణంలోని వ్యవసాయ మార్కెట్‌లోనూ టమాటాలను చోరీ చేశారు. రాత్రిపూట చోరికి వచ్చిన దొంగలు ఓ వ్యాపారికి చెందిన దుకాణంలో చోరీ చేసి టమాటా బాక్సులను టక్కుల్లో నింపుకొని పరారయ్యారు. అందుకు సంబంధించిన దృశ్యాలు సీసీ కెమెరాల్లో రికార్డయ్యాయి. ఇక యూపీలోని వారణాసికి చెందిన ఓ కూరగాయల వ్యాపారి.. టమాటాలకు రక్షణగా తన దుకాణం వద్ద ఇద్దరు బౌన్సర్లు నియమించుకున్నాడు. ప్రస్తుతం దీనికి సంబంధించిన ఫోటోలు, వీడియోలు సోషల్ మీడియాతో వైరల్ అవుతున్నాయి. ఇలా టమాటాల ధరలు విపరీతంగా పెరగటంతో చిత్ర విచిత్ర ఘటనలు చోటు చేసుకుంటున్నాయి.