/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/01/FotoJet-74-1-jpg.webp)
Telangana: తెలంగాణ ఆర్టీసీ (Rtc) మరోసారి వార్తల్లో నిలిచింది. కాంగ్రెస్ ప్రభుత్వం ప్రవేశపెట్టిన 'మహాలక్ష్మీ పథకం'లో భాగంగా మహిళలకు బస్సుల్లో ఉచిత ప్రయాణం మొదలైనప్పటినుంచి ఆసక్తికర సంఘటనలు చోటు చేసుకుంటూనే ఉన్నాయి. ఇటీవలే సీటు విషయంలో పలువురు స్త్రీలు విచక్షణ రహితంగా దాడులు చేసుకున్న వీడియోలు వైరల్ అయిన విషయం తెలిసిందే. కాగా తాజాగా మరో ఫన్నీ వీడియో సోషల్ మీడియాను ఊపేస్తుంది.
బోర్ కొడుతుందని బస్సుల్లో..
ఈ మేరకు ఇద్దరు మహిళలు బస్సులో ప్రయాణిస్తూ బీడీలు చుడుతున్న వీడియో నెటిజన్లను ఆశ్చర్యానికి గురిచేస్తోంది. ఈ సన్నివేశం ఏ డిపోకు సంబంధించినదో తెలియదు. కానీ ఇదే బస్సులో ప్రయాణిస్తున్న ఒక యువకుడు దీనిని రహస్యంగా చిత్రీకరించి సోషల్ మీడియాలో పోస్ట్ చేశారు. అంతేకాదు 'హే రేవంత్ రెడ్డి, హే ఉత్తమ్ కుమార్ రెడ్డి, యే క్యా హువా! ఇంట్లో కూర్చొని ఒక్కరే బీడీలు చేస్తే బోర్ కొడుతుందని ఇలా బస్సుల్లో కూడా మొదలుపెట్టారు!!' అంటూ ఫన్నీగా రాసుకొచ్చాడు.
ఇది కూడా చదవండి : Virat : టీమిండియాకు బిగ్ షాక్.. విరాట్ కోహ్లీ అవుట్
ఫన్నీ కామెంట్స్..
ఇక వైరల్ అవుతున్న వీడియోపై స్పందిస్తున్న నెటిజన్లు.. 'ఆడుతూపడుతూ పనిచేస్తుంటే అలుపు సోలుపేముంది.. ఉచిత బస్సులో బీడీలు చూడుతే మస్తు గమ్మత్తుగా ఉంది' అంటూ ఫన్నీ కామెంట్స్ పెడుతున్నారు. అంతేకాదు '3 రంగులు జెండా యెట్టి 3 కట్టల బీడీలు సుట్టలే.. ఉచిత బస్ లో' అంటూ పాటలు కూడా పాడుతున్నారు. ఇక ఈ వీడియో పోస్ట్ చేసిన వ్యక్తిపై కొంతమంది మండిపడుతున్నారు. 'హేయ్ బిచ్చగాడ. వాళ్లకి సీట్లు దొరికినై అంటే ఫ్రీ బస్ స్కీమ్ సక్సెస్ అయినట్టే కదా. వాళ్లు ఏమైనా చేస్కోని. అయినా ఎవర్రా చిల్లర ఫెలో పర్మిషన్ లేకుండా లేడీస్ వీడియోలు తీసి నీకు పంపిస్తుంది' అంటూ తిట్టిపోస్తున్నారు.