Winter Tips: చలికాలం కదా.. స్కిన్ రకాన్ని బట్టి మాయిశ్చరైజర్ వాడితే బెటర్ 

Winter Tips: హైదరాబాద్ తో  సహా భారతదేశంలోని చాలా ప్రాంతాల్లో తీవ్రమైన చలి ఉండవచ్చని చెబుతున్నారు.  ప్రభుత్వం కూడా అప్రమత్తంగా ఉండాలని సూచించింది. వాతావరణం ఎలా ఉన్నప్పటికీ..  అది మన చర్మంపై మంచి - చెడు ప్రభావాలను చూపుతుంది. చలికాలంలో డ్రై స్కిన్ సమస్య ఎక్కువగా ఉంటుంది. పొడిబారడం వల్ల చర్మం పగుళ్లు ఏర్పడి నిర్జీవంగా కనిపిస్తుంది. చర్మంలో తేమను నిర్వహించడానికి, మాయిశ్చరైజేషన్ రొటీన్ ని అనుసరించడం చాలా ముఖ్యం. అయితే దీని ప్రత్యేకతపై శ్రద్ధ పెట్టడం ముఖ్యం. చలికాలంలో చర్మ రకాన్ని దృష్టిలో ఉంచుకుని మాయిశ్చరైజర్‌ను ఎంచుకోవాలి. మొటిమలు ఉన్నవారు ఎటువంటి మాయిశ్చరైజర్ వాడాలి.. బాగా పొడి చర్మం ఉన్నవాళ్లు ఎలాంటి మాయిశ్చరైజర్ ఉపయోగించవచ్చు వంటి విషయాలు ఇప్పుడు తెలుసుకుందాం. 

సాధారణ చర్మం

Winter Tips: సాధారణ చర్మంలో హైడ్రేషన్ విషయానికి వస్తే, మనం ఎప్పుడూ క్రీమ్ ఆధారిత ఉత్పత్తులను మాత్రమే ఎంచుకోవాలి. చల్లని వాతావరణంలో, క్రీమ్ ఫార్ములాతో మాయిశ్చరైజర్ చాలా కాలం పాటు తేమను నిలుపుతుందని నిపుణులు అంటున్నారు. మీరు శీతాకాలంలో మాయిశ్చరైజర్‌గా విటమిన్ సి పుష్కలంగా ఉన్న క్రీమ్‌ను కూడా ఉపయోగించవచ్చు.

పొడి చర్మం కోసం

Winter Tips: ఈ రకమైన చర్మం ఉన్నవారు చలిలో ఎక్కువ సమస్యలను ఎదుర్కోవలసి ఉంటుంది. అలాంటి వారు ఆయిల్ బేస్డ్  క్రీమ్ లేదా మాయిశ్చరైజర్ సహాయం తీసుకోవాలని నిపుణులు చెబుతున్నారు. ఇటువంటి ఉత్పత్తులు చర్మంలోకి సరిగ్గా చొచ్చుకు పోతాయి. బయట నుంచి వచ్చే గాలులకు  అవరోధంగా పనిచేస్తాయి. ఈ విధంగా మీ చర్మం హైడ్రేటెడ్ గా ఉండి మెరుస్తుంది.

Also Read: పిల్లలు మొండిగా  తయారవుతున్నారా? ఈ టిప్స్ ఉపయోగపడతాయి ట్రై చేయండి.. 

జిడ్డు చర్మం

Winter Tips: జిడ్డు చర్మం ఉన్నవారు మాయిశ్చరైజర్ అవసరం లేదని అనుకుంటారు, అయితే ఈ పొరపాటు చర్మం నిర్జీవంగా మారేలా చేస్తుంది. ఈ రకమైన చర్మం ఉన్నవారు శీతాకాలంలో నీటి ఆధారిత మాయిశ్చరైజర్‌తో తమ చర్మాన్ని జాగ్రత్తగా చూసుకోవాలి. జింక్ ఉన్న మాయిశ్చరైజర్ ను ఎంచుకోవాలని నిపుణులు చెబుతున్నారు. ఇది చర్మ ఆరోగ్యాన్ని మెరుగుపరుస్తుంది.

రెండురకాలుగాను ఉండే చర్మం

Winter Tips: ఈ రకమైన చర్మం ఉన్నవారు పొడి - జిడ్డుగల పరిస్థితులను ఎదుర్కోవలసి ఉంటుంది. ఇందులో కొంత భాగం జిడ్డుగానూ, మరికొంత పొడిగానూ ఉంటుంది. అయితే అలాంటి వారు ఆయిల్ ఫ్రీ ఫార్ములాను మాత్రమే ఎంచుకోవాలి. అటువంటి ఉత్పత్తులను ఉపయోగించడం ద్వారా, చర్మంపై సంతులనం సృష్టించటం వీలవుతుంది. 

గమనిక: ఈ ఆర్టికల్ లో ఇచ్చిన అంశాలు పాఠకుల ప్రాథమిక అవగాహన కోసం ఇచ్చినవి. వివిధ సందర్భాలలో నిపుణులు వెలిబుచ్చిన అభిప్రాయాల ఆధారంగా వీటిని ఇవ్వడం జరిగింది. వీటిని అనుసరించే ముందు సంబంధిత నిపుణుల సలహా తీసుకోవలసిందిగా సూచిస్తున్నాం

Watch this interesting Video: