Baby Massage Oil: బేబీ మసాజ్‌కి ఏ ఆయిల్ మంచిదో తెలుసా?

Baby Massage Oil: నవజాత శిశువులకు రోజుకు కనీసం రెండుసార్లు నూనెతో మసాజ్ చేయాలి. ఆరోగ్యకరమైన ఎముకలు, కండరాల కోసం పిల్లలకు రోజుకు 3-4 సార్లు మసాజ్ చేయడం ఉత్తమం. ఇలా మసాజ్‌ చేయడం వల్ల వారి రక్త ప్రసరణ మెరుగుపడుతుంది. బేబీ మసాజ్ కోసం మనం ఏ నూనె వాడతామో కూడా చాలా ముఖ్యం. ఇది నేరుగా ఎముకల పెరుగుదలను ప్రభావితం చేయనప్పటికీ, ఇది శిశువుకు మంచి అనుభూతిని కలిగిస్తుంది. మొత్తం శారీరక అభివృద్ధిని కూడా ప్రభావితం చేస్తుంది.

ఏ నూనె మంచిది:

తేమ, తేలికపాటి సువాసనతో ఉండే కొబ్బరి నూనె బేబీ మసాజ్‌కి మంచిది. అయితే చలికాలంలో ఆవనూనె మర్దన మంచిదని చాలా మంది అంటున్నారు. ఎందుకంటే ఆవ నూనె థర్మల్ ఎఫెక్ట్స్ కలిగి ఉంటుంది.

ఎలాంటి ఉపయోగాలు ఉంటాయి?:

బేబీ మసాజ్ ఎముకల బలాన్ని పెంచుతుందని, నిద్రను మెరుగుపరుస్తుందని, అంతేకాకుండా ఎదగడానికి కూడా సహాయపడుతుందని శాస్త్రీయంగా నిరూపించబడింది. అంతేకాకుండా మసాజ్‌ వల్ల ఎమోషనల్ కనెక్షన్ ఉంది. ఇంటర్నేషనల్ అసోసియేషన్ ఆఫ్ ఇన్ఫాంట్ మసాజ్ ప్రకారం శిశువుల మసాజ్ ప్రేమ స్పర్శకు మించిందని, తల్లిదండ్రులు, పిల్లల మధ్య బంధాన్ని బలపరుస్తుందని చెబుతున్నారు. మసాజ్ శిశువు శరీరాన్ని ఉత్తేజపరుస్తుంది. మెరుగైన జీర్ణక్రియ, నిద్రను ప్రోత్సహిస్తుంది. మసాజ్ ద్వారా పిల్లలు తమ ఇంద్రియాలను అన్వేషిస్తారు. కమ్యూనికేషన్ నైపుణ్యాలను అభివృద్ధి చేస్తారు. స్వీయ నియంత్రణ నేర్చుకుంటారని నిపుణులు అంటున్నారు.

బేబీ మసాజ్‌కి ఇతర నూనెల కంటే కొబ్బరి నూనె ఉత్తమం. ఇది తేలికపాటి మాయిశ్చరైజింగ్ లక్షణాలు కలిగి ఉంటుంది. శిశువు యొక్క సున్నితమైన చర్మానికి అనుకూలంగా ఉంటుంది. అంతేకాకుండా కొబ్బరి నూనె చర్మం పొడిబారకుండా చేస్తుంది. డైపర్ అలెర్జీలకు చికిత్సగా ఉపయోగపడుతుంది. అలాగే శిశువు చర్మంపై దద్దుర్లు కూడా పోతాయి.

ఇది కూడా చదవండి: జ్వరం వచ్చినప్పుడు ఈ పనులు అస్సలు చేయకండి

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.