డెలివరీ తర్వాత మహిళల మెదడులో మార్పులు వస్తాయా?

Health Tips: యూనివర్శిటీ ఆఫ్ కాలిఫోర్నియా సైంటిస్టులు ఇటీవల నిర్వహించిన ఒక అధ్యయనంలో కీలక విషయాలు వెలుగులోకి వచ్చాయి. గర్భధారణ సమయంలో మహిళ మెదడు కూడా ఆమె శరీరంలానే గణనీయమైన మార్పులకు లోనవుతుందని అంటున్నారు. గర్భధారణకు ముందు నుంచి గర్భం దాల్చిన 9 నెలల వరకు అధ్యయనం చేశారు. మనిషి మెదడును ఇంత వివరంగా మ్యాప్ చేయడం ఇదే తొలిసారి అంటున్నారు. గర్భధారణ హార్మోన్లు, ఎస్ట్రాడియోల్, ప్రొజెస్టెరాన్ స్థాయిలు పెరగడం వల్ల ఈ మార్పులు సంభవిస్తాయని చెబుతున్నారు. మెదడులో 40శాతం బూడిదరంగు పదార్థంతో నిర్మితమైతే, 60శాతం తెల్ల పదార్థంతో తయారవుతుంది. 

గర్భధారణ సమయంలో మెదడుపై ప్రభావాలు:

బూడిద పదార్థం:

మెదడులోని బూడిద పదార్థం భావోద్వేగాలు, జ్ఞాపకశక్తిని నియంత్రించే క్రియాత్మక కణజాలం. ఈ ప్రాంతం తార్కికం, విశ్లేషణ, నేర్చుకోవడం, మాట్లాడటం, అర్థం చేసుకోవడం మొదలైన అన్ని ఆలోచనలకు బాధ్యత వహిస్తుంది. గర్భధారణ సమయంలో గ్రే మ్యాటర్ తగ్గడం ఆందోళన కలిగించే విషయం అయినా వాస్తవానికి ఇది ప్రతికూల ప్రభావాన్ని చూపదని శాస్త్రవేత్తలు అంటున్నారు. ఈ మార్పులు యుక్తవయస్సు వారు అనుభవించే మార్పుల్లానే ఉంటాయని, గర్భం కూడా ఇలాంటి మార్పులకు కారణమవుతుందని చెబుతున్నారు. గర్భధారణ సమయంలో మెదడులోని గ్రే మ్యాటర్ దాదాపు 4 శాతం తగ్గుతుంది.  తల్లులు తమ నవజాత శిశువులతో బలమైన భావోద్వేగ బంధాలను ఏర్పరచుకోవడానికి, శిశువు అవసరాలకు అనుగుణంగా మారడానికి ఈ పరివర్తన అవసరమని పరిశోధకులు భావిస్తున్నారు.

తెల్లటి పదార్థం:

మెదడులోని తెల్ల పదార్థం నాడీ వ్యవస్థ నుంచి సందేశాలను పంపుతుంది, తీసుకెళ్తుంటుంది. మెదడులోని వివిధ భాగాలు, గ్రే మ్యాటర్, శరీరంలోని మిగిలిన భాగాల మధ్య కమ్యూనికేషన్‌ను సులభతరం చేయడం తెల్ల పదార్థం పని. గర్భం దాల్చిన మొదటి 6 నెలల్లో మెదడులోని వివిధ భాగాల్లో తెల్ల పదార్థం పెరుగుతుందని, బిడ్డ పుట్టిన తర్వాతరువాత, శిశువు నెమ్మదిగా సాధారణ స్థితికి వస్తుందని వైద్యులు చెబుతున్నారు.