PM Modi: ఉగ్రవాదాన్ని ఎప్పటికీ ఉపేక్షించేది లేదు: ప్రధాని మోదీ

PM Modi: 25వ కార్గిల్​ విజయ్​ దివస్​ సందర్భంగా కార్గిల్ యుద్ధ స్మారకం వద్ద కార్గిల్ యుద్ధ వీరులకు నివాళులర్పించారు ప్రధాని నరేంద్ర మోదీ. అనంతరం ప్రధాని ప్రసంగించారు. ఎంతో సాహసంతో భారత జవాన్లు పోరాడారని అన్నారు. దేశ ప్రజలు గర్వించదగ్గ విజయం ఇది అని అన్నారు. ఉగ్రవాదాన్ని ఎప్పటికీ ఉపేక్షించేది లేదని స్పష్టం చేశారు. ఎంతో మంది జవాన్ల త్యాగంతో కార్గిల్ యుద్ధం గెలిచామని చెప్పారు. అమరవీరుల త్యాగఫలంతో కార్గిల్ విజయాదివాస్ జరుపుకుంటున్నాం అని అన్నారు.

పాకిస్తాన్ విఫలమైంది..

ప్రధాని నరేంద్ర మోడీ మాట్లాడుతూ, "పాకిస్థాన్ గతంలో చేసిన అన్ని నీచ ప్రయత్నాలలో విఫలమైంది. కానీ పాకిస్తాన్ దాని చరిత్ర నుండి ఏమీ నేర్చుకోలేదు. అది ఉగ్రవాదం, ప్రాక్సీ వార్ సహాయంతో తనకు తానుగా సంబంధం కలిగి ఉండటానికి ప్రయత్నిస్తోంది. ఈ రోజు నేను టెర్రర్ మాస్టర్లు నా గొంతును నేరుగా వినగలిగే ప్రదేశంలో మాట్లాడుతున్నాను, వారి దుర్మార్గపు ఉద్దేశాలు ఎప్పుడూ ఫలించవని, మన సైనికులు పూర్తి శక్తితో ఉగ్రవాదాన్ని అణిచివేస్తారని.. శత్రువులకు తగిన సమాధానం ఇస్తారని నేను ఈ ఉగ్రవాద పోషకులకు చెప్పాలనుకుంటున్నాను." అని అన్నారు.

ఆర్టికల్ 370ని రద్దు చేసి..

లడఖ్ అయినా, జమ్మూ కాశ్మీర్ అయినా.. అభివృద్ధి పథంలో ఎదురయ్యే ప్రతి సవాళ్లను భారత్ ఓడిస్తుందని ప్రధాని నరేంద్ర మోదీ అన్నారు. మరికొద్ది రోజుల్లో జమ్మూ కాశ్మీర్ లో ఆర్టికల్ 370ని రద్దు చేసి 5 ఏళ్లు అవుతుంది. లడఖ్, జమ్మూ కాశ్మీర్‌లో టూరిజం రంగం కూడా శరవేగంగా అభివృద్ధి చెందుతోంది , తజియా ఊరేగింపు శ్రీనగర్‌లో మొదటిసారిగా బయలుదేరింది, భూమిపై మన స్వర్గం శాంతి, సామరస్యం వైపు వేగంగా కదులుతోంది అని అన్నారు.