Unstoppable Show : బాలయ్య 'అన్ స్టాపబుల్' షోకు ఊహించని గెస్ట్.. ఎవరంటే?

NBK Unstoppable Show : నందమూరి బాలకృష్ణ హోస్ట్‌గా వ్యవహరించే అద్భుతమైన టాక్‌షో అన్‌స్టాపబుల్ విత్ ఎన్‌బీకే సీజన్ 4 కోసం ప్రేక్షకులు ఎంతగానో ఎదురుచూస్తున్నారు. మొదటి మూడు సీజన్లు అద్భుతమైన విజయం సాధించిన ఈ షో నాలుగో సీజన్‌కు సిద్ధమవుతోంది. తాజా సమాచారం ప్రకారం, అన్‌స్టాపబుల్ సీజన్ 4 అక్టోబర్ 12, 2024న ప్రేక్షకుల ముందుకు రానుంది.

దసరా కానుకగా ఈ షోను ప్రేక్షకులకు అందించాలని మేకర్స్ ప్లాన్ చేస్తున్నట్లు తెలుస్తోంది. ప్రతీ సీజన్‌లోనూ అగ్ర తారలను అతిథులుగా పిలిచే బాలయ్య ఈ సీజన్‌లో కూడా ఎవరిని పిలుస్తారో అనే దానిపై ఆడియన్స్ లో ఆసక్తి నెలకొంది. ఇలాంటి తరుణంలో లేటెస్ట్ సీజన్ లో ఊహించని గెస్ట్ ఒకరు రాబోతున్నారట. ఆయన మరెవరో కాదు. తెలంగాణ ముఖ్యమంత్రి రేవంత్ రెడ్డి అని సమాచారం.

Also Read : ఎట్టకేలకు బాలీవుడ్ నుంచి పిలుపు అందుకున్న శ్రీలీల.. స్టార్ హీరో సినిమాలో ఛాన్స్

బాలయ్య, రేవంత్ రెడ్డి ఇద్దరికి మంచి స్నేహం ఉంది. గతంలో ఈ ఇద్దరూ టీడీపీలో పనిచేశారు. ఆ చనువుతోనే బాలయ్య అడిగిన వెంటనే రేవంత్ రెడ్డి ఓకే చేప్పినట్లు సమాచారం. ఇప్పటికే ఈ షోలో పలువురు రాజకీయ నాయకులు హాజరవ్వగా.. ఈసారి లేటెస్ట్ సీజన్ లో రేవంత్ రెడ్డి కనుక వస్తే TRP రేటింగ్స్ బద్దలే అని ఫ్యాన్స్ కామెంట్స్ చేస్తున్నారు.