UFO: బీ ఎలర్ట్.. ఏలియన్స్ వచ్చేశాయ్.. కలకలం రేపుతున్న నీలిరంగు కాంతి 

UFO: గ్రహాంతర వాసుల గురించి వింటూనే ఉన్నాం. ఎప్పటి నుంచో ఎక్కడో అక్కడ వీటికి సంబంధించిన కథలు వినిపిస్తూనే వస్తున్నాయి. గ్రహాంతర వాసులు- UFOల గురించి ప్రపంచవ్యాప్తంగా వివిధ వాదనలు ఉన్నాయి. కొంతమంది గ్రహాంతరవాసులు ఉన్నారని, వారు సుదూర విశ్వంలో ఎక్కడో నివసిస్తున్నారని నమ్ముతారు.  కానీ, వారి ఆచూకీ మాత్రం ఇప్పటివరకూ ఎవరికీ తెలీదు. అయితే కొంతమంది ఈ విషయాలను కేవలం వదంతులుగా కొట్టి పారేస్తారు. అయితే, ఎప్పుడైనా ఏదో ఒక రహస్యమైన కాంతి లేదా ఏదైనా రహస్యమైన వస్తువు ఆకాశంలో ఎగురుతూ కనిపిస్తే, అది గ్రహాంతరవాసులకు సంబంధించింది ఏమో అని అంతా అనుకుంటారు. ప్రస్తుతం అలాంటి వీడియో ఒకటి సోషల్ మీడియాలో వైరల్ అవుతోంది.  ఇందులో అలాంటి దృశ్యం కనిపించడం ప్రజలను ఆశ్చర్యానికి గురిచేస్తోంది.

Also Read:  ఇప్పుడు AI టెక్నాలజీ తో క్యాన్సర్ కు చికిత్స

UFO: వాస్తవానికి, పోర్చుగల్ - స్పెయిన్‌లో ఆకాశంలో ఒక రహస్యమైన నీలిరంగు కాంతి కనిపించింది అక్కడ చాలా మంది ఈ కాంతిని చూశారు.  దానిని వీడియో చేసి సోషల్ మీడియాలో షేర్ చేశారు. వీడియోలో రాత్రి సమయం కావడం, రోడ్డుపై వాహనాలు వస్తూ పోతూ ఉండడం, ఇంతలో ఆకాశం నుంచి భూమిపైకి ఏదో పడిపోవడం కనిపించింది. ఆ నిగూఢమైన విషయం భూమి వైపుకు రావడంతో, దాని కాంతి ప్రకాశవంతంగా మారింది.  ఒక సెకను మొత్తం ఆకాశాన్ని కాంతితో నింపింది.

UFO: ఇప్పుడు ఈ మిస్టీరియస్ లైట్ ఏంటి అనే దానిపై రకరకాల వాదనలు వినిపిస్తున్నాయి. 'వీడియోలో కనిపిస్తున్న ఈ మర్మమైన వస్తువు బోలైడ్' అని కొందరు చెబుతున్నారు. బోలైడ్ నిజానికి ఒక రకమైన ప్రకాశవంతమైన ఉల్క, ఇది వాతావరణంలో పేలుతుంది' అని అంటున్నారు. కొంతమంది మాత్రం  'అది గ్రహాంతర వాసి. హాయ్ చెప్పడానికి భూమికి వచ్చాడు.’ అని చాలామంది సరదాగా వ్యాఖ్యానిస్తున్నారు. 

UFO: ఈ షాకింగ్ వీడియో @dom_lucre అనే IDతో సోషల్ మీడియా ప్లాట్‌ఫారమ్ ట్విట్టర్‌లో భాగస్వామ్యం చేయబడింది. కేవలం 13 సెకన్ల ఈ వీడియోను ఇప్పటివరకు 5 మిలియన్ల మంది అంటే 50 లక్షలకు పైగా వీక్షించగా, 48 వేల మందికి పైగా వీడియోను కూడా లైక్ చేశారు.